المشاركة الأصلية كتبت بواسطة مُتيمة حبيبتي والله ودي افيدك بس ماعندي علم بحكايه التأمين وكذا لو بتاخذي بنصيحتي راح تتعبين بس علشان تضمني لنفسك مكآن قبل كل شي خيآرك كان كويس في انك تكملي دراستك وتتركي العمل ، واهنيك ؛) ثانيآ الكليات الحكوميه والاهليه مافيهآ فرق لا بالوظآيف ولا حآجه ثالثا ماححددتي انتي وش راح يكون تخصصك بجامعة طيبه علشان نقول لك - بوجهة نظرنا البسيطة - ايّهم افضل بس لو كنت مكآنك كان تأكدت من المده الي بالجامعه الي تتطلب منهم على مااسوي اخلاء طرف من عندهم ( بجامعة عبد العزيز اتوقع ياخذوا شهر او اكثر فمشكلة ) ، اذا كان بوقتها كويس ، روحي وودي لهم اوراقك وانتظري القبول بكلية الغد اذا جاك وكنتي راغبه فيها اسحبي اوراقك ووديها للغد وادا ماجاك تكوني ضمنتي مكان بجامعة طيبة وان شاء الله حكاية التأمين ماتسبب لك مشكلة ، على كل حال اذا مالقيتي رد هنا فروحي لهم واسأليهم ، او اسأليهم بحسابهم بتويتر مره متعاونين ويردون بسرعه اتمنى اتمنى اكون افدتك ولو بشي بسيط الله يسهل لك

اللهم امين ي رب العالمين ,اشكرك حبيبتي

الحمدلله اليوم الصباح رحت كلية الغد قدمت اوراقي وادتني ورقة اثبات الحاله من الضمان رحت الضمان وعبيت البيانات وكل شي رجعت ع الكليه ادتني الملف عشان اعبي البيانات وكل شي تمام وحتى ماسألتني على التأمين ماادري يمكن مع الزحمه وبتصرفني ولا ايش ماادري وانا خارجه سويت المقابله وسألتهم ع نسبة القبول كيف اكيد ح انقبل انشالله او لا قالتلي ايوا التسجيل مفتوح دي السنه وقالتلها لو اتزوجت او شي كيف انسحب من دي المنحه قالتلي لا دامك اتسجلتي فيها خلاص عادي ومرة ارتحت الحمدلله

بسسس عاد وانا ف السيارة افتكرت من كتر مااني قلقانه وانا ب املي البيانات في خانه مكتوب هل انتي موظفه حطيت تشك عليها وكتبت المسمى الوظيفي ليا جمبها قعدت افكر واوسوس قلت دحين دي تكون عائق او شي ومايقبولني وانا كان ب امكاني اكتب اني مني موظفه بحكم اني ماليا شهر ف وظيفتي دي بس خفت يعرفو او حاجه اني اتسجلت ف التامين منها ومابدي الف وادور لما رحت دوامي قالولي لييييش كتبتي كدا دحين مايقبلوكي طيب كيف كدا يعني وغير كدا لاموني اني ادخل الكلية اصلا عشان مجالات الطب متعبه وكدا وقالولي خليكي ع طيبه وانا عارفه جامعة طيبه مالهم امان ايش اسوي والله ماادري اتشتت اكتر

حتى جامعة طيبة المفروض اليوم ارسلهم اورافي عن طريق البريد ومعاه ايصال سداد الرسوم والرد يجي يوم الخميس ومهم كاتبين ل اي تخصص ب الضبط بس محددين الرغبات انو ادراة اعمال وانا دا اللي مقدمه عشانو ولو اكتفو ممكن يحولوني لغة عربيه او تاريخ او جغرافيا وانا ماابغا دي التخصصات التانيه ابدا بحكم اني علمي وماتستهويني اصلا بس دحين اطمنت من جهة وقلقت من جهه تانيه ع الغلطه اللي كتبتها في الملف ادعووولي مايدققوا وقلت بكرا لو رحت اودي الكشف الطبي تمسحها وان شاء الله ي رب يكب اللي فيه الخير دعواتكم بالله