الرحيم
السلام عليكم ورحمة الله وبركاته
سيداتي ساداتي .... leads and gentlemen
صباحكم / مسائكم خير ..
أنا بحكي لكم قصتي باختصار شديد جدا جدا وابغي الرأي والمساعده ( الإثنين طبعا ) , يا اعضائنا الكرام انا حاس اني تورطت في شي كبير .. من جد انا في ورطه.. طبعا انا انسان مو حق دراسه باختصار , والـ cv حقي يشهد بذلك...
تخرجت من الثانويه بنسبة 77 % جيد .. وجلست عاطل بعدها سنه , وانقبلت والحمدلله بالكليه التقنيه قسم هندسه مدني ..
بس للاسف جلست ترم واحد وفصلت بعدها تخيلوا جبت معدل 2,10 في اول ترم.. طبعا السبب اهمال وعدم حضور..
وجلست سنه عاطل بعد التقنيه وقررت أدخل معهد خاص قسم شبكات حاسب .. طبعا دخلتها بنهاية 2005 وتخرجت في بداية 2009 ( ورب الكعبه ما استهبل ) هذا وهي شهادة دبلوم درست اول سنه بالمعهد تمام وبعدها جالس أأجل في الدراسه لين وصلنا 2009 .. طبعا لسبب بسيط أكره الدراسه بس مضطر ( اقولكم ليه مضطر بعدين ) والحمدلله تخرجت
بمعدل جيد ( يعتبر انجاز بالنسبه لي ) وجلست الصيف عاطل وترم بعدها عاطل..
لين جا اليوم اللي حسيت انه اليوم كان نكبتي هاليوم.. قررت اني اسجل في الجامعه بقرار انا اخذته بتريقه واستهتار ..
المشكله اللي حولي مب مستوعبين الـ cv تبعي وبنفس الوقت حسوا اني لمن دخلت الجامعه
دخلتها لاني ابي احقق شي ما دروا.. الحين وش الحل
هالحين الاسبوع الخامس وبس ادخل احمل المحاضرات وأطلع حتى ما اشوفها , ولا قدرت اني اشوفها لاني ما حبيت الدراسه
بس مضطر لان امي دايم تتصل علي تقولي لو تركت الجامعه راح ازعل منك طول العمر
وبنفس الوقت من جد وربي عندي امنيه اخذ الجامعه عشان امي .. وبنفس الوقت احب الانجليزي..
بس عمري ماحبيت المذاكره .. وش الحل يمديني بهالترم أسوي شي يمديني اذاكر يمديني ارضي امي...
ووشلون اذاكر وكيف اجيب الملخصات << رحمة نفسي بجد
أتمنى كل واحد منكم يطرح وجهة نظره والمساعده ( الاثنين طبعا )
وصلى اللهم وسلم على نبينا محمد وآله وصحبه أجمعين....