المشاركة الأصلية كتبت بواسطة توحا الشمري

السلام عليكم
التجربة مع الدراسة كانت جمميلة والاختبارات اللهم لك الحمد سهلة
لكن لي تجربة سيئة في السكن والمواصلات ..
واسمحوا لي افضفض :'( ..
انا من الدمام وماخذة مادتين ( فقه السيرة والاخلاق )
حجزت بالقطار قبلها بيوم عشان يمدي اريح واذاكر وكذا
كلمت شقق الي هي السليمان قال ابد الجامعة ٥ دقايق وتوصلين ..
قلت كويس خلاص نعتمد
معاي الوالدة و اخوي يعطيهم العافية تعبوا معاي ..
بالمحطة حصلنا تاكسي وكان من اهل الديرة وقف معنا وقفة ماننساها
يعطيه العافية و الصحة ..
فقلنا له شقق السليمان بشارع الستين ..
لما وصلنا لها قال جايين اختبار قال اخوي ايه ..
قال ذي بعيدة عليكم قلنا عادي << تحسفت على كلمة عادي '(
وعطانا رقمه وراح ..
الحق ينقال الشقة جميلة ونظيفة والاثاث مرتب والتكييف ممتاز
بس ما عجبت امي لان لما نزلنا نبغى نجيب سحور واغراض ناقصة
ما حصلنا ولا تاكسي ربع ساعة بالشارع ما فيه ابد
غير كذا اكتشفنا جد ان المشوار طووويل جدا
مع عدم وجود التكاسي والسواقين اكثرهم ما يردون الله يهديهم
قالت ولا نقعد بكرة نروح لجامعة وندور شقة اقرب << اكبر غلطة '(
كلمنا الرجال وقلنا له نبي نطلع ندور شقة اقرب
واتفقنا بعد الفطور يجي وجلسنا لين ٩ ندور كلها فل
وشوي ببكي وكان الرجال ينزل مع اخوي ويحاجج الموظفين
ويركض من شقة لشقة
في الاخير لقينا شقة قالنا الليلة ب ٥٠٠ (o_o)
قالت امي معللليه بس نزل اغراضنا وتوصلها ما باقي شي على الاختبار
ويطير فينا للجامعة لما نزلت قال بنتي انا خلااص ابرجع للبيت ما اقدر استناك
قلت مو مشكلة << غلطة اخرى '(
خلصت اختباري وكان مررة جميل كلمت امي مستانسة
قلت يلا خلصت تعالوا وكانت الساعة عشر ونص
قالت امي غيرنا الشقة -_-" قلت ليييه !!!!!!
قالت الله يكرمكم ما يجلس فيها ادمي
قلت ٥٠٠ على ايش وسكرت مني وهي تقول احنا جايينك الحين
قلت اوك واستنيت للـ ١١ ونص ما احد جاني ولا امي ولا اخوي يرد
دموعي ع الباب قلت اكيد فيهم شي وانا السبب انا الي جبتهم معي وو
جاني اتصال من اختي واتروع قلت لا فيه شي اكيد
لما رديت قالت امي واخوي جايين لي يمشون ما لقوا تاكسي ولا حصلوا سواق
قلت اشوا ع بالي شي ثاني الحممدلله وصرت امشي لبرا الجامعة لين لقيتهم يمشون
امي حياتي كانت بالموت تاخذ نفس من المشي حالها يبكي والله '(
واحنا نمشي ويجي واحد يطق هرن وينادي ع اخوي
شوي ويجي اخوي يقول يلاا الرجال يبي يوصلنا
شافنا نمشي وعرف اننا مو من الديرة ويبي يساعدنا
وربي ادعي له جزاه الله خير لما ركبنا قال عارف انا ما فيه تكاسي هنا الله يعينكم
اليوم الثاني كان كويس مر بسلام مع ان حتى الشقة الثالثة كانت من جنبها
بس عاد الشكوى لله صبرنا وكنا نبي نتمشى بس لما نكلم اي سواق يقول ما اقددر
وفيه مواقف سيئة بعد بس ادرري طولت كنت ابي افضفض
و الصراحة اهل الحساا راعيين خير ويحبون يساعدون وقلوبهم طيبة
كذا شخص وقف يساعدنا
العمالة اللي هناك هم الي قلوبهم سودا وتعاملهم زفت
والحممدلله ع كل حال
لو صار صيفي هناك مرة ثانية اكيد بروح بس مع استعداد قبلها
عشان لا نتوهق ونتمرمط بين الشقق والمواصلات
واسفة على الاطالة (*^^*)