الساعة الان السادسة مساءا وانا خارج المطبخ والفطور جاهز لكن المشكلة مو في الفطور المشكلة في الصيام نايمين ويقولون اني انا اللي بنام لاني مواصله من البارح نمت بعد صلاة العشاء وصحيت على الساعه ١٢ ونص ولسه صاحيه وجهزت فطورهم بعد ورتبت لهم البيت وعلى الظهر جانا العج والغبار وكسلنا شوويه بس قلنا نسوي عصير ليمون بالنعناع وحليب بالتمر مشروبات جدا حلوه وانصحكم فيها لفك الصيام بدل ماتشرب مويه كثير تشرب كاس عصير ليمون بالنعناع طبيعي صنع منزلي يرويك وحليب بالتمر يخليك ماتاكل كثير على الفطور طبعا نظامنا من بدايه رمضان ناكل اول شي تمر ولبن ومشروبات وكذا وبعدين نصلي المغرب وعلى الساعه ٧ ونص او ٨ تكون وجبة الفطور الاساسية وكذا تاكل وماتتخم تقوم خفيف لدرجة ان اخواني صارو ماياكلون مثل قبل ماحد ياكل يعني ماحد يطبخ بدانا نقلل الاكل ونقلل ونقلل والان صرنا نطبخ بس صنفين شي ثقيل وشي خفيف وسلطة وحلى وبس هذا اقصى شي نسويه وعلى السحور رز ودجاج وسلط كذا اريح مانتعب بالطبخ الله يخلي اخواني مايتعبونا



بس طولنا بربره نقوم نجهز السفرة



......