2013- 7- 27
|
|
أكـاديـمـي مـشـارك
|
|
|
|
++ بحّار على مركب هزيَل ++
بحار على مركب هزيل وشايل مجدفي المكسور
وكل المواني والمراسي مالها بعيني أثر
قطعت بحر الغرام وعانق من وراه بحور
وسالت دموعي تعب وأثرها تحتي بحر
جف القلب في دفتري وماكتب كل السطور
حاول يكمل ما بقى وعيت دموعي تنتظر
عاشق ومن مثلي عشق حلمٍ وسط فكره يدور
إنه بتجي محبوبته ويضحك لهم يوم القدر
عاشق ومن مثلي صدق بحبه وفي مخلص غيور
محبوبته هي دنيته يشوفها كل العمر
ماهقيت إني عشقت اقسى مفاهيم الغرور
وماهقيت إن الوفا في قلبها ماله قدر
راحت وخذت قلبي لها وشوكها بيدي زهور
اضمها ودمي يسيل وكل الأماني تحتضر
علمت قلبي العذاب وعلمت شوقي يثور
وعلمتها إني أنا ماني بمثل باقي البشر
قالوا مثل إن الصبر للحل مفتاح العثور
وهذا انا ياما صبرت ووش خذيت من الصبر
مثل الضرير ما يفرق بين ظلمى وبين نور
وده يبيع كل دنيته من أجل لمحة بصر
نسيتها في عزتي واشوفها بكل الحضور
ودفنتها في وحدتي وحطيت قلبي في القبر
حبيتها ياللآسف حبيتها بصدق وشعور
خفت من الطعنه ورى وفجأه جتني في الصدر
بحار على مركب هزيل وشايل مجدفي المكسور
وعندي امل بحبل النجاة لكن بعد ما انتحر
بقلم / عبد العزيز
|