الحمدلله اولاً واخيراً على اننا خلصنا اول سنة و بدينا بالتخصص .
بعيد عن المواد اللي نبي ناخذها و ترتيب الجدول
انا كل ما اضيف مادة او احذف مادة احط ببالي ان في عدد ساعات معين لازم نلتزم فيه
ايضاً عدد مواد !
يعني مو مسموح لنا بأكثر من 18 ساعة يعني تقريبًا 9 مواد فقط !
-
الحمدلله انتهينا من مستوى 2
و الاغلبية أجل مادة
بالنسبة لي انا أجلت النحو التطبيقي 2
و يصادف في الجدول تبع مستوى 3 الانشاء والتعبير
لكن بإذن الله مع المتابعه اول بأول اعديهم كلهم
بكذا اكون انتهيت من مستوى 2 و افتكيت
رجعت شفت مقررات مستوى 4 .. للاسف كانت 20 ساعه و 8 مواد
اضطريت اخذ ماده عشان المستوى الرابع اكون ماخذه مواد المستوى كامله من دون نقص ولا زيادة !
اخذت " حاضر العالم الاسلامي " لأنه أول يوم و ماحبيت اضغط على نفسي شفت انه مناسب وتوكلت على الله .
كذا اكتمل جدولي 8 مواد .. 16 ساعه .. ولا فيه مجال اضيف بعد
ماحطيت عيني على المستويات الباقية لاني عارفه بيدوخ رآسي زياده فـ اكتفيت ارتب وضعي لين مستوى رابع وبعدها ان شاء الله يصير خير .
-
للاسف ما اطلعت على اي مادة من المواد اللي بآخذها لاني لسه مو متأكدة من الجدول
حاطين فقه السيرة + مهارات التعلم والتفكير تبع مستوى 3 !
تشتت بصراحه .
اعتذر عن الإطاله واتمنى استفدتوا ولو بشيء بسيط من ناحية الترتيب