|
استفسار بخصوص انتساب اللغة الإنجليزية والقبول
السلام عليكم ورحمة الله وبركاته
أول حاجة أنا سجلت انتظام في جامعة الدمام وجامعة الملك فيصل وانقبلت في الاثنين الحمدلله بس جات الظروف عكس ما كنت حابة بحكم إني من جدة والظروف ما تيسرت ..
اضطريت أخذها انتساب،
بعدها فتح تسجيل جامعة الطائف وجاني ضغط من أهلي عشان اسجل قبل ما يقفل التسجيل وتروح عليا سنة وعلى حظي إنو يقفل قبل ما يبدأ تسجيل جامعة الملك فيصل بيومين ..
اضطريت وقتها اسجل في جامعة الطائف وارسلت أوراقي وانقبلت وكلو دا بس عشان امسك شي بيدي إلين اضمن قبولي في الملك فيصل 
هيا رغبتي بالأساس وحالياً قدمت واستنى ..
بعد التفاصيل دي نجي للمهم ..
- ممكن انقبل في الحالة دي بما إني منتسبة هناك ؟
واذا انقبلت مبدئياً هنا وسحبت من جامعة الطائف بنفس الوقت مو ممكن تعرف جامعة الملك فيصل بعدها إني منتسبة في جامعة ثانية ويرفضوني واتورط ! 
- بالنسبة لتخصص الإنجليزي أنا ليا رغبة فيه بس النقطة المهمة هنا،
كيف طبيعة دراسة المواد ؟
طبعاً حب اللغة شي ودراستها شي ثاني وأنا أخص الأدب بكلامي لأني مو مرة ماشية فيه ..
- بالنسبة للحضور، يلزمني أروح للجامعة ؟
لأنو هوا دا السبب الرئيسي في انسحابي من جامعة الطائف 
- سمعت إنو في اختبار قبول لتخصص اللغة الإنجليزية .. الاختبار للانتساب كمان ولا بس للانتظام ؟
افيدوني 
|