بحثت عن موادنا كنت باخذ نبذه عن طبيعة كل ماده ودكتورها
ولقيت كذا تجربة للطلاب لكل ماده اتمنى تفيدكم مثل مافادتني

السلوك التنظيمي


1:منهج جمييل ومتداخل قليلاً لكن الدكتور عطانا أسئله سهله الى متوسطه
2:ماده حلوه وممتعه والدكتور اسئلته جيده نوعا ما
3: ماده حلوه وممتعه وكلها حفظ طبعا متوسطه الحجم نوعا ما كحفظ
اسئله الأختبار متوسطه الصعوبه ..

وهذا رأي ثاني


الدكتور/ يحضيه سملالي

ماده نظريه بحته ودسمه نوعا ما وتعتمد على الحفظ .. وموضوعاتها تتكلم عن نظريات التعلم والقيم والشخصيات والمنظمات والاخلاق والصراع ... الخ ,, وفيها نظريات كثير يعني الماده يبغالها مذاكره من بدري

اساله الاختبار كانت من المحتوى ... والدكتور وضع بعض الاساله دقيقه جداً ويبغالها تركيز ومذاكره عشان تحلها ... وبشكل عام كانت اسالته رائعه
مذاكرة الماده من المحتوى فقط <<< هذا انا اكتفيت بالمحتوى ولا تابعت المحاضرات وجبت درجه ممتازه

ادارة اعمال دولية

1\الماده نظريه ودسمه ومتشابهه تقريبا في مواضيعها .. وهي تتكلم بشكل عام عن التجاره الخارجية .. وتحتاج المادة مذاكرة من بدري
اساله الاختبار لم تخرج من المحتوى عدا سؤال او سؤالين بالكثير اتوقع من الكتاب او من راسه جايبه
الاساله كانت بشكل عام رائعة ... واسلوب الدكتور دقيق جدا جدا في بعض الاساله ومن بين السطور يستخرج الاساله
اعتمدت المذاكره من المحتوى فقط ولم اتابع المحاضرات والحمد لله درجتي في الماده كويسه


ادارة عمليات

1: هي أمتداد لمادة الأساليب الكميّه . وتشبهها كثيراً , بس الدكتور ماقصر سهل الأسئله كثييييير ولاجاب الا الأجزاء النظريه فقط .
2: ادارة العمليات ممتازه واسئلة الدكتور حلوه ومافيها مسائل حسابيه
3: ماده حبيتها صراحه .. منهجها مقارب للأساليب الكميه .. يعني مسائل .. البرمجه الخطيه .. وهكذا .. منهجها متوسط الى قليل ومنوعه بين الحفظ والفهم ..
اسئله الاختبار كانت جدا روعه .. ولا مسأله .. وكانت واضحه اسئلته جزاه الله كل خير ..!!
4\ الماده تقريبا امتداد لماده الاساليب الكمية وتتكلم بشكل عام عن السمبلكس وادارة المشاريع والنقل والمنتج ..الخ
الماده فيها مسائل عاديه ليست صعبه لاكن ما جاب منها شي في الاختبار ابداً
الاختبار كان بالنسبة للي جداً رائع وسهل ... والاساله لم تخرج من المحتوى اطلاقاً ... فيه نوع من الدقه عند الدكتور في اساله الاختبار
المذاكرة من المحتوى + المحاضرات المباشرة


ادارة اعمال الكترونيه

1:منهج خفيف لطيف وبسيط .. وقصير .. واحلى ماده بالنسبه لي بهالترم ..
اسئله الأختبار كانت بسيطه الى متوسطه .. وكلها من ملخص ال 22 صفحه .. ماعدا 3 اسئله من 70 .. ماهي من الملخص ..
2:مآده سهله وآجـد وحلوه وممتعه
3:ماادة جميله وسهله ولكن تعتمد كثيراً على المفردات الأنجليزيه
وأختبرتها اليوم وماشاء الله كان من أفضل أختباراتي

رأي اخر

دكتورها/ احمد الشعيبي
الماده تتكلم عن التجارة الاكترونية في الانترنت والمتاجر والزبائن وكل ما يتعلق بالتجاره في الانترنت
والماده تعتبر هجين من اللغه العربية والانقلش ( مخلطه)
الماده ليس لها محتوى ولا كتاب .. الدكتور قال انتم مطالبين بالمحاضرات المسجلة فقط
ملخص المادة 22 صفحة .. ولاكن اقذر اختبار مر علي من سنتين بما فيه من كثرة الاخطاء في الاسالة
اذا كانت تبي درجه كويسه بالماده تابع المحاضرات المسجلة وفهمها ززززين وحاول تدخل في مخ الدكتور وتعرف ايش يبغى بالضبط <<< جد اتكلم
الاختبار كان 50 سؤال وهو عباره عن خيطي بيطي وماتدري هو اختبار قدرات او اكترونية او انقلش


نقود وبنوك

ماده بسيطه جدا كمنهج .. وحفظ قصيره شوي ولافيها الا مسأله وحده فقط ..
اسئله الأختبار .. مادري من وين جاب الأسئله .. اسئله لم يتطرق لها نهائيا بالمحاضرات .. بالأضافه الى مسائل لم تدرس بالمنهج .. واسئله نظريه اقل مايقال عنها انها تعجيزيه ( تحدي ) .. اللي يبي ياخذها طبعا لايلتفت لهالكلام ويحذفها مثلا .. القصد انه ينتبه ويعرف ان الدكتور .. يحب التعجيز .. بالتالي يشد حيله بالماده ..!!
رأي اخر
دكتورها/ اسامه الفرحان
الماده تتكلم عن نشأة وتطور النقود وعن التضخم وعن البنوك التجارية والاسلامية والبنوك المركزية ... الخ

مافيها مسائل وقوانين كثيره بس الدكتور 80% من اسالته تعتمد على الفهم .. وجاب اساله عمليه في الاختبار ... الدكتور اسلوبه في الاساله قريب من نهج بلغرسه

تقيمي لاساله الاختبار متوسط الى جزء بسيط من الصعوبة

الاعتماد الكلي على المذاكرة من الكتاب + المحاضرات المسجلة + المحاضرات المباشرة


اتمنى تنفعكم
موفقين جميعآ