ملتقى طلاب وطالبات جامعة الملك فيصل,جامعة الدمام - عرض مشاركة واحدة - علم اجتماع والخدمة الاجتماعية المقبولآت بقسم علم الاجتمآع والخدمة الاجتماعية

zσσz яαsнιd · 2013- 7- 28

اقتباس:

المشاركة الأصلية كتبت بواسطة nahed |

مممممممم مريت شوي على الصفحات
فَ قلت أكتب رأيي عن مواد مستوى 3 :
طبعا مثل مَ قالت حبيبة عُمري وَ أختي وَ صديقتي سالفتن قلبي المواد تبعكم مَ يبغالها مزح أبدا ~
خصوصا أنكم داخلين جُدد فَ الشيء اللي راح تدرسوه مُخالف جداً لتحضيري ~
لما تجي تبدأي بالبدايه تحسي وناسه وَ سهل ~
بس لما تتعقمي يالله قد أيش تحسي أنو حرام مَ ذاكرتي من البدايه ~
خصوصا لما يجي الفاينل مرره حتتعبوا
إحنا ندمنا ندم أنو أهملنا
كُنا مَ ننام أبدا مسويين قروب في البلاك لدفعتنا فَ كُنا نشجع بعض وَ نصحي بعض وَلا نذوق طعم النوم عشنا أيام الصعبه ههههههههههههههههههه
أنا ماراح أقولكم خافو وَ ترى حترسبوا لا أبدا أبدا
أنا أنصحكم نصيحه لوجه الله يَ بنات لا تراكموا أبدا والله التراكم بأول مستوى تخصص مرره شيء مو كويس
خصوصا بالمواد اللي تحتاج ~
الله يوفقكم يارب إنا مَ صدقت أخلص مستوى 3 تعبت منوا جدا جدا بشكل فضيع
أول مَ تجوا بتشوفنا مره جميلات مُعدلين وَ مزينيين بعدين أنتو بنفسكم راح تخشوا القسم معنا كأننا مو جايين ندرس كأننا داخلين عزاء من أشكالنا ههههههههههههههههههههههههههههههه
بس وناسه لما كلكم تصيروا قلب واحد
الدفعه قليله ترا مو كثير يعني أحنا دفعتنا تقريبا خلاص عرفنا بعض كُلنا
وَ لما تعرفوا بعض وَ تكونوا صداقات بيهون عليكم كل شيء صعب
وَ إن شاء الله وقت تدريبكم حتتعرفوا على بعض أكثر خصوصا لما يصير في نشاط بالقسم
زي لما إحنا سوينا يوم اليتيم وَ جلسنا يوم كامل إلى الساعه 8 الليل بالكليه

المواد من وجهة نظري /
الطبي < يبغالو شدة حيل الكتاب سايح على بعضوا مو مفهوم الكلام حقوا صعب وَ مو صعب يعني مُمل تقرأيه مَ تفهميه مَ يستوعب بسرعه
خصوصا لما يجي مقالي تحسي مَ أنتي عارفه أيش تكتبي لهم بالزبط
بس إن شاء الله تكون الدكتوره اللي تدرسكم مُبسطه الموضوع وَ تساعد
الله يعينكم عليه وَ يارب يتغير الكتاب لأنهم قالو حيغروه

تاريخ الفكر أنا أشوفو أبدا مو صعب وَ جميل بس ليش أنا أشوفو كذا ؟ لأن دكتوره سوسن ربي يسعدها كانت منزله لنا عروض عكس دكتور محسن اللي كان يتكلم بشكل عام وَ فلسفي إن شاء الله تاخذ الماده دكتوره سوسن عشان تضمنو فيه الـ b+ اقل شيء

الأسره وَ الطفوله شيء مررره جميل

السُكان نوعاً ما حلو مو صعب ولا يخوف أبدا كانت تدرسنا دكتوره أسماء وَ هي من النوع اللي يبسط الأمور كثير

أسس الخدمه < يبغالها شدة حيل راح تدرسها دكتوره شيخه على مَ أعتقد أضمنوا معاها الميد يعني أضمنو الـ 50 من 50 لأن النهائي دايم يجي صعب شوي فَ اللي تخبص بالفصلي وَ تجيب علامه مره منخفضه صعب عليها تعدي عند أستاذه شيخه

خدمة الفرد < طوييييييييييييييييييييييييييييييييييله لما تجي تذاكريها ذاكري أول بأول وَ من قبل وَ هي متطلب اللي مَ تنجح فيها مَ تدرب فَ شدو حيلكم مشكلتها كثير تعداد كثير شرح بس إن شاء الله ربي يسهلها عليكم إحنا كنا خايفين منها مره مذاكرينا قبل الفاينل بِ 5 أيام يمكن بس جات سهله وَ عديناها يارب لك الحمد وَ الشكر

العقيده + الأنترنت < حرام مَ تجيبو فيها أقل شيء a لأنهم سهلين مررره وَ حلوين

أدري تكلمت كثير بس حبيت أفيدكم يمكن وحده فيكم ينفعها كلامي وَ نصيحتي
الله يوفقكم يارب يارب يارب وَ أشوفكم أحلى أخصائيات

مشكورة ★♥