تدرون ليش الناس سلبيين من ناحية الشهادة؟ علشان القطاع التعليمي ما يبغاها
صار لت وعجن مش طبيعي وكلام يخرع ويربك يا اخوان ترى في قوانين من الجامعات والجهات الرسمية الاخرى لا تطبق وقت ما يحتاجون موظفين مواد مثل الانجليزية وغيرها بشهادة كثير من الناس اللي دخلوا قطاع التعليم وشهادتهم انتساب مطور عن بعد, بسبب الحاجة
واذا الحين فيه لبس بالموضوع بكرة الامور تتيسر لأن نوع التعليم هذا جديد ويحتاج وقت حتى ييسروه ويفهموه ويجعلوه شامل, التربية والتعليم على فكرة هي بس اللي متضايقة من هالتعليم مدري ليش يمكن ما يحسونه حقيقي! وعقدت الدنيا على مساكين التلاميذ\ـات و الجامعيين\ـات الانتظام بالقدرات والقياس اللي عقدت الناس واستنزفت اموالهم وحرقت احلامهم وامالهم واعصابهم وتشرطاتهم اللي ما تخلص دبلوم تربوي بالقوة متوفر في الجامعات اللي بفلوس واللي انتظام ولازم قياس اول!!!
لا حول الله وش اقول الله يسهل على الناس جميعا انتظام وانتساب مطور
وابغى الفت الانتباه لأمر مهم ترى في فرق بين الانتساب والانتساب المطور والتعليم عن بعد والثلاثة تختلف عن بعض الحين انتم شهاداتكم "بكالوريوس انتساب" كيذا يكتبون فيها, مفروض يكتبون انتساب مطور, يمكن خلوا اسمها كيذا علشان موقع الخدمة المدنية والله واعلم, والفرق بين الثلاثة ان الانتساب المطور يجمع بين الانتساب التقليدي و التعليم عن بعد بإسلوب الانتظام
والتفاصيل موجودة في موقع جامعة الملك فيصل قسم التعليم عن بعد
معنى انتساب: ماتحضر الجامعة
معنى تعليم عن بعد : تشوف المحاضرات عن طريق الانترنت
الانتساب المطور: يجمع الخاصيتين السابقتين ويزيد عليها الواجبات والمناقشات والحضور والاختبارات مما يعطيها شكل ومضمون شبية بالانتظام
هذه كل القصة واسفين على الاطاله, بس اتمنى ان الصورة وضحت للجميع اللي عندهم مشكلة وتمكنت منهم الاشاعات