|
رد: مسمى الوثيقة هو مستقبلنا ... اتمنى المشاركه من الجميع
اقتباس:
المشاركة الأصلية كتبت بواسطة طموح فتاه
انا بعد أقول اذا مكتوب على شهادتنا انتساب شالفرق بينا وبين الانتساب التقليدي
تدفع رسوم وتذاكر وتتعب وتشتري كتب وبالأخير يعتبر انتسابك تقليدي اللي راضي بهالشي بعقله شي الظلم ماحد يرضى به
أما اللي فرحانين بمسمى انتساب مو مفكرين بوظايف تعليميه يفكرون يتوظفون بأي مجال أو بالترقية إذا هم موظفين مايدرون ان حتى بالقطاع الخاص الانتظام مُقدم على الانتساب أما كلامهم مافيه فرق بين الانتساب والانتظام للتسكيت فقط مثل لما أقول شركة تقبل خريجين المتوسطه والثانوية فهل يعقل ان يتساوى خريجين المتوسطه بخريجين الثانوية طبعاً لا خريجين الثانوية لهم فرصة أكبر للقبول من خريجين المتوسطه
فعلاً مو عدل من الجامعه تكتب للدفعات الأولى انتساب والباقي تعليم عن بعد
هل نحن فئران للتجارب ؟؟
هل الجامعه بتصحح لنا وثيقة التخرج في حال اعتماد التعليم عن بعد في نظرهم من انتساب إلى تعليم عن بعد أم سنكون ضحيتهم ؟؟أكيد ماراح يصححون لنا
عندي سؤال بخصوص اللي كتبت
3 - تصنيف خريجي الانتساب بصفه عامه وحتى لو انهم من كلية التربيه ( غير تربوي ) . ولابد من حصولهم على دبلوم تربوي بعد البكالوريوس في حال طلبهم التوظيف في الوظائف التعليمية .
يعني لو بدرس دبلوم تربوي بيفيدني للوظائف التعليمية ؟؟علماً ان تخصصي انجليزي
تنويه :- تخصص اللغه الانجليزيه كان يقبل السنه الماضيه اما هذه السنه تم ايقافه ولا يقبل بالوظائف التعليمية
عشان ان ماعندهم دبلوم تربوي أو كيف ؟؟
والكلام اللي كتبته استنتاجك أو من عندهم ؟؟
وششكراً لككك
|
بالنسبة للكلام اللي كتبته من مدير مكتب الخدمه المدنية وما زدت شي عليه من عندي
أما سؤالك ( يعني لو بدرس دبلوم تربوي بيفيدني للوظائف التعليمية ؟؟علماً ان تخصصي انجليزي )
نفس السؤال سألته لمدير الخدمه المدنية واجاب :-
انا ما اقدر اقولك اخذ الدبلوم التربوي او لا تأخذه لان شروط القبول تحددها وزارة التربيه والتعليم
يمكن يستثنون هالشرط ويمكن يصرون عليه .
أما سؤالك ( عشان ان ماعندهم دبلوم تربوي أو كيف ؟؟ )
على كلامه حتى اللى تخصصهم لغه انجليزيه ومعاهم دبلوم تربوي وزارة التربيه والتعليم لم تقبل توظيفهم على وظائف تعليمية .
ورجع وقال لي حنا ما لنا علاقه بشروط القبول وصدقني انا اتكلم معك الان ويمكن يجي بكره قرار تلغى كل الشروط ويقبل كل الخريجين . ما ندري عن قرارات وزارة التربيه الا اذا وصلت لنا
سألته لو اخذت الدبلوم التربوي وكملت بعده ماجستير ؟؟
قال افضل لك اخذ الدبلوم وكمل ماجستير بعده على شان اذا فتحوا المجال لكم تجد نفسك استوفيت كل الشروط ما عدا اختبار قياس .
اتمنى ان اكون اوصلت لك الفكره واضحه 
بالتوفيق 
|