2013- 7- 30
|
 |
مشرف عام سابقاً
|
|
|
|
... الـفـــــرقــا ...
،،،
ليت ذنبي غير فرقاك واستغفر وأتوب … كان ماخيم فصدري من الفرقا نزاع
سقت قلبي من شماله سيرته جنوب … كيف أودع وأنت أخذت المودع والوداع
خافق يلبس لك العشق والتحنان ثوب … مارضى لك بالمهونة ولا جاك بخداع
كل داعي غير داعيك ماهو بمحسوب … شمس ماتشرق بوصلك مهي ضي وشعاع
وإن حكوا في سيرة أبعاد عميان القلوب … ناد باسمي ويتحدر غروري لك ضياع
وان غفى ليلي بلياك وأتعبه الهروب … لك معي صوت ومواثيق وهجوس تشاع
قد غلبتك وأنت ماعشت في يوم مغلوب ... قل نعم وأنا اعترف لك وأقول انك شجاع
والله أني جنتك أنت راضي ومغصوب … ذبت فعروقك وغيرت بك كل الطباع
سم باسم الله في عمري وعد من الدروب … شوف كيف اشري وصالك بعهد مايباع
أذكرك واذكر خفوق على ذكرك طروب … والله أني ما أتناســــاك وأمر الله مطاع
الشاعرة / أبـعــاد التركي
|