2013- 8- 1
|
 |
:: المشرفة العامة سابقاً ::
الأقسام العامة
|
|
|
|
إن صار زود المال بيديـن الانـذال ...حنّـا مـن المعـروف تنـدا يدينـا
http://www.youtube.com/watch?v=L8jFJbacM3Y
إن صار زود المال بيديـن الانـذال حنّـا مـن المعـروف تنـدا يدينـا
وان كانهم شرهوا على طيب الافعال حنّـا وردنـا جمامهـا وارتويـنـا
وان فكّروا للجـود يمشـون رحّـال حنّـا قبـل يمشـون يّمـه خطيـنـا
يا ما لبسنـا للشـرف كـل سربـال وعلـى البسيطـة للفضيلـة مشينـا
في دوحة العربا لنـا مجـد وظـلال وحنّـا علـى در المكـارم غذيـنـا
لو نجمع اللي فات منـا مـن المـال ان كـان شيدنـا القصـور وبنيـنـا
نعطي ولا نتبـع عطانـا بالاقـوال ونبـذل ونسكـت كننـا مـا عطينـا
وان باعوا الشيمـة بدينـار وريـال حنـا دخلنـا سوقـهـا واشتريـنـا
نطلع لها لو هي على روس الاقـذال لو هو عسيـر ٍ دربهـا مـا انثنينـا
بافعالنـا نرسـم دروب ٍ للاجـيـال الـي نساهـا غيرنـا مـا نسيـنـا
أسـود سـادات ٍ تسجـل للاشبـال فضايـل ٍ شمنـا لـهـا واهتديـنـا
بيض ٍ نسجلهـن جديـدات وسمـال حفـايـظ ٍ لاحفـادنـا اللاحقـيـنـا
نصبر على الشّدات لو شيلنـا مـال لـو سـال دم دفوفنـا مـا شكيـنـا
نخـاف يلقـى سدنـا كـل خـتّـال ويبنـي هزيـلات المعانـي علينـا
الليل يا خالـد علـى والـدك طـال وهنّيـت نـاس ٍ بالـكـرا نايميـنـا
يا عز راسي شفت ما خبـث البـال شـي ٍ يهـوّل شـيّـب الجاهليـنـا
شي ٍ من اسبابـه يشيـب بالاطفـال فطّـر خشـوم مهجرعـات الحنينـا
أديـر قـالات ٍ عريضـات وطـوال قـالات خـلـنّ المخـفـىّ يبيـنـا
منهن رزين العقـل بالوقـت يهتـال بوقـت ٍ عبـوس ٍ فطّـن الغافليـنـا
وقت ٍ من اسبابه شكى كـل ريبـال نصبـر ونسكـت كنـنـا غايبيـنـا
النـاس بالأيـام راحــل ونّــزال وتفجعهـم الدنيـا وهــم دالهيـنـا
وحيـات رب ٍ نـزل آيـات الانفـال عـالـم خفـايـا نـيـة الحاقديـنـا
ما اترك طريق العدل في كل الاحوال لـو يرحـل المـريـخ للفرقديـنـا
يقلم الامير الراحل :- محمد بن احمد السديري 
|