|
فيدنا بأي معلومة عن مواد سابع او ثامن,,حياكم
السلام عليكم ورحمة الله وبركاته
هالموضوع فتحته عشان نستفيد من خبراتنا في المواد اللي درسناها
كل واحد يدلي بدلوه عن اي معلومة يعرفها عن اي مادة من مواد سابع او ثامن
عشان ما نسجلها الا وحنا عندنا لو خلفية بسيطة عن المادة
راح ابتدي باللي اعرفه
,,,,,,,
المحاسبة الإدارية
المادة سهلة كمادة علمية وكل ما فيها حساب جمع وطرح وتقسيم وضرب
واسهل من كل المواد المحاسبية اللي درسناها
لكن
الاختبار كان فيه عدد مسائل حسايبة ما يزيد عن 30 سؤال عملي 
والوقت ما كان كافي ولا شاي  يا دوووب يكفي
صرت مستنفر وتوترت كثير 
والنظري ما جانا بالنص , كان يجيك السؤال يعتمد على فهمك للموضوع كامل وتستنتج الإجابة
وكانت الخيارات غامضه ومتقاربة 
الحمد لله زحلطنا منها على خير بدرجة مرضية < بس كنت داخل الاختبار ناوي a 
,,,,,,,,,,,,
الأخلاق الاسلامية
مادة نظرية سهله تحتاج دفرة بسيطة وسهل تاخذ فيها بذن الله درجات عالية ترفع المعدل
الاختبار كان واضح وسهل وفيه اسئلة مكرره
,,,,,,,,,,,,,,,
قضايا ثقافية معاصرة
مادة نظرية لكن محتواها كبير حول 90 صفخة فيها حشو كلام تحتاج وقت
فيها اشياء متشابة مثل اهداف التغريب والتنصير وغيرها
يعني شدة حيل وفصفصه للمادة عشان درجة عالية
اختباراها كان فيه السهل وفيه المتوسط وفيه يعض الاسئلة اللي تلخبط
يمكن الدكتور يبي يشوف من اللي دفر المادة صح من اللي ذاكرها على الماشي
,,,,,,,,,,,,,,,,
ادارة الاعمال الصغيرة
للأمانة نسيت وش فيها
بس اذكر انها نظرية وتتكلم عن المشاريع الصغيرة ,,ماهي صعبة
بس على ما اذكر يعلمك شلون تفرق بين انواع الشراكات
مثل شريك التضامن وشروطه وكيف نهاية الشراكه والعلامات التجاريه
يعني شغله حلوه ماهي معقده
افهمها عشان تحفظها
,,,,,,,,,,
هذا اللي في بالي الحين
باقي المعلومات زحلطت بعد الصيفي ونسيتها
اذا ذكرت شي جيتكم
المجال لكم
كل واحد يفيدنا باللي يعرفة او سمعه عن اي مادة
اللي يعرف شي عن مواد مستوى ثامن الباقية يفيدني
فالكم الماستر 
التعديل الأخير تم بواسطة NOW OR NEVER ; 2013- 8- 5 الساعة 05:28 AM
|