|
خطط وجداول هذا الترم 1434 هـ - 1435 هـ مع الأسباب .
السلام عليكم ورحمة الله وبركاتة
يسعد صباحكم / مساكم
سألتني يولاند في موضوع لي عن الجدول والخطة الدراسية
رديت عليها ولكن شفت أن الرد ممكن يكون مفيد وباب نقاش
للجميع بخصوص خططهم وجداولهم لهذا الترم
علشان كذا طرحت الرد في موضوع مستقل
اقتباس:
المشاركة الأصلية كتبت بواسطة يولـآند !
إيشَ جدولكك وش كِل موادككَ ..
تنصحونآإ نآخذ كلِ المواد آو لآإ
بيخلصَ وقت التسجيل و آنآ مآ سجَلتْ موآديْ .. |
ياعزيزتي تسجيل المواد راجع لك
ويعتمد على اكثر من نقطة وتختلف من شخص للثاني
<<<< لوك لوك لوك أدخل في الموضوع وخلصنا 
إذا معدلك الترم إللي راح كويس
وإذا ما حملتي مواد
خذي كل مواد خطة الجامعة
وإذا معدلك يفشل مثلي
أو حاملة مادة مثلي ( رياضيات بعذر طبي ) 
خففي من وحده من المواد الثقيلة وخذي بدالها وحده من مواد رفع المعدل حتى ولو كانت من مستويات غير مستواك الحالي
وهذا إللي سويته
صارت موادي كذا
1- رياضيات 1  ( 3 ساعة )
2- صحة ولياقة . ( 2 ساعة )
3- اللغة الإنجليزية . ( 3 ساعة )
4- العقيدة الإسلامية . ( 2 ساعة )
5- تقنية المعلومات 1 . ( 3 ساعة )
6- مبادئ الإقتصاد الكلي . ( 3 ساعة )
المجموع = 16 ساعة
حذفت مادة المحاسبة 2
لأني حملت الرياضيات ولا أبغى أثقل على نفسي وناوي بإذن الله أرفع معدلي .
مثل ما تشوفين بعد ساعاتي 16 يعني باقي لي ساعتين ما أخذتها
وهذا مهو برغبتي . لكن ما حصلت مادة ساعتين للأسف .
كل مواد الساعتين أخذتها في الترم الصيفي إللي راح
باقي وحده بس لكنها تتعارض مع جدولي
هاذي سالفتي
دعواتي للجميع
التعديل الأخير تم بواسطة N0000N ; 2013- 8- 5 الساعة 09:34 AM
|