|
كل ما عديت رجم ../ المعالي يزعلون [الله يكفاني غثى الناس وشر عيونها]
-
السلام عليكم ,
صبّحهم /مسيهم بالنور 
يلي من حكي الناس ( وش فيك مغبون )
البـشر لا ضقت ../ منها تزيد طعونها
ولا تحاول ترضي الناس وتقول وش تبون
غايتن لو ( تجهد النفس ) .. تقصر دونها
و إن جلست فمجلس الزور واللي يكذبون
( لا يغرك كثرت ) الزاد فوق اصحونها
إن جلست فمجلس الزور ( تقفاك الطعون )
وإن حكيت بكلمة ../ الحق مـا يرضونها
خذ كلامي ي (فارس ) وهونها تهون
( كم تجرعت المرارة وذقت اغبونها )
التجارب اشعرتني .. بما لا يشعرون
والمصايب درستني ../ وانا ممنونها
لين صرت اعلم الناس كيف يرتبون
( الجروح و كيف ..الآلام ما يسلونها )
( عيش جرحك و أنت راضي تلذ ذ بالشجون
النفوس احيان ../ تحتاج عمق شجونها )
( الصباح يعلم الناس ) .. كيف يقدرون
ما فضح ستر الليالي ../ ومن يسرونها
والليالي لو فضح سترها ( نور العيون )
كان شفنا عاقل ../ الناس من مجنونها
( آه يا مقسى نجاحي .. ع/ اللي يكرهون
و آه يا محلى بيوتي .. ع/ مفتونها )
اييه يا كثر المشاريه و اللي يشرهون
و ناس لا قلنا قصيده ../ تقوم قرونها
ما علينا دام في الناس ( ناسن يعشقون )
و القصيده قبل ../ لا اقولها يقرونها
ما زعلنا و النهايات ../ للي ياصلون
( خل ناسن من ورانا تسن سنونها )
إن حكيت اعلم ../ الناس ما لا يعلمون
و إن كتبت ألخص القول في مضمونها
و ان بغيت انزه النفس عما يصفون
( الثقة تطغى ) على شكلها و ظنونها
الشيوخ اليا تحاكوا .. / بكلمة ينثنون
كلمة و عجزوا ملايين ( ما يثنونها )
ولاتحاول ترضي الناس وتقول وش تبون
( غايتن لو تجهد النفس .. تقصر دونها )
التعديل الأخير تم بواسطة قلبي مجنوونك ; 2013- 8- 7 الساعة 06:19 AM
|