2013- 8- 11
|
#9
|
|
أكـاديـمـي فـضـي
|
رد: *أفضل دكاتره علم الاجتماع*
انا اشوف كل دكتوره يميزها شي !
استاذه شيخه تعطيك حقك و تعطي نشاطات زياده عشان ترفعين فيها درجاتك و غير كذا انتبهي ل شرحها و ركزي معها تحسين تفهمين منها احسن من الكتاب اللي معك , يعني شرحها تمام التمام
د.اسماء العمران , تعجبني هالدكتورة ما تخلص المحاضرة الا فاهمه كل شي , و توصل المعلومه ب اسهل ما يكون !
د. منى , مدري وش اقول صراحة بس بعض الاحيان تتراجع عن كلامها , يعني ممكن تقول بسهل لكم الماده نهاية السمستر و تغير كلامها بعدين بس احسها طيبه على كل هذا 
د. سوسن بيطار , تجنن هالانسانه و تراعيك بالبحوث و التسليم و شرحها حلو والله .
د. ايمان شومان , تعجبني والله مع ان عليها حركات بس اذا ركزتي معها بالمحاضرة تحسين المعلومة دخلت مخك و تحاول بقد ما تقدر تسهل الماده و طيبة كثير
د نادية , صراحة درستني ماده استخدام الحاسب و ما كانت عاجبتني و ما حسيت تعرف تشرح و تعصب بسرعه بس بعدها درستني التغير والله بطله ب الشرح و كان السبب قبل لان كان استخدام الحاسب مدة المحاضرة ساعه بس , اما الماده الثانية لا ساعتين ف توصل المعلومة لك و شرحها حلو , بس لازم تنتبهين لشرحها لان ممكن تجيب لك سؤال ب الاختبار من الشرح اللي قالته و ما يكون ب الكتاب .
طولت عليكم بس هذا اللي ببالي الحين  
|
|
التعديل الأخير تم بواسطة nawwarh ; 2013- 8- 11 الساعة 08:42 AM
سبب آخر: من الحماس وانا اكتب كان في اخطاء املائية :$
|
|
|
|