المشاركة الأصلية كتبت بواسطة ~Mrs.ENGLI$H~

شغله اخيره بقولها كررتها كذا مره بمواضيع البحث السابقه



الدكتور يستخدم برنامج للتصحيح ... مايصحح شخصيا

مما يسبب نسبة خلل رهيبه في المتطلبات مابينه وبين البرنامج و بينا

تقولون وش عرفنا ؟

لان ماخلينا ولابقينا ولا برنامج تصحيح واكتشاف الاوريجينالتي ..... ما استخدمناه !!!

لاحظ احد الضحايا ( لا استحضر الاسم ) تشابه الملاحظات مابين كلام الدكتور و الملاحظات في هذا البرنامج

لدرجة النسخ واللصق!!!

واللي يأكد لنا ...انه فيه حلقه مفقوده ماكنا فاهمينها والحيره كانت متواصله ولا كنا نفهم وش يبغى؟

كل مره كنا نقول هذا وش يبغى بالظبط؟ ليش مو قادرين نجيبها صح ابدا؟

كان يطلع لنا كل مره بطلبات جديده مو مطلوبه منا في المحاضرات

كان يحط ملاحظات ع شغلات ما نبهنا اصلا عليها

لدرجه انا كنت اقول يا اما انه يتلكك لنا او انه احد ثاني يصحح لنا وفعععععلا طلع فيه برنامج

وطبعا بالععقل ... البرنامج مبرمج ع setting معينه ع اساسها يحدد الاخطاء ويحط عليها تنبيهات وملاحظات

ويبدو انه برنامج محترفين و محترفين جدا لأنه كان يطلع بشغلات يبغالها دراسه من قلب

و حقت ناس يبغون يتخصصون في عمل البحوث

( عشان توضح الصوره الدكتور الهلال سوا فينا زي الدكتور اللي يدخل المحاضره يطالع بالمدرج يقول اعتبروا الدرس مشروح ويطلع ...ويجي يختبرك فيه وانت مو فاهم شي اببببدا ... ويجي بعدين يقول انتم ماتفهمون .. الله فوق )


احد الشغلات اللي تؤكد لنا انه يستخدم برنامج

اخونا سيد العشاق كان يرسل شغله بي دي اف

وطبعا معروف يصير مشاكل في محاولات النسخ من البي دي اف لأي مستند اخر

فالأخ الدكتور كان ينسخ و يتلخبط الكلام والبرنامج تبع التصحيح مايفهم ويكتب ( segment ) ع الجزئيات اللي منخبص فيها الكلام

ويجي الدكتور مايكلف نفسه بالتدقيق والتشييك ويرسل الملاحظات كما هي لسيد اللي هو اكتشف انه ينسخ على عماها بدون مايتأكد

و فعلا كلا يرى الناس بعين طبعه ( اتهمنا الدكتور بالكذب والتدليس و اننا نضحك عليه ) وهو والله اللي سواها كلها ... اتمنى مايعتبر كلامي تهجم ع سعادة فضيلة جناب حضرته ... عشان الجايين يعرفون هم بيتعاملون مع مين ... كفايانا تلميع و تمجيد للألقاب بليز

مافيه طالب عاقل ع ترم تخرج بيضحك ع الدكتور ... بس مركب النقص و جنون العظمه ومايسوي

شغله اخيره

ردود الدكتور اللي كان يكتبها بيده كانت مليئه بالأخطاء الاملائيه .. هذا من المضحك المبكي والله
وهو رسب بعض الطلبه فقط لأجل الاخطاء الاملائيه !!!!!!!!!!!!!!!!!


اتمنى اكون افدتكم ... حظا موفقا مع متاهات هالماده