|
رد: مدينه تنتظر رجعة غ ـريب..
[table1="width:95%;background-image:url('http://www6.0zz0.com/2013/01/21/07/514679083.png');"][cell="filter:;"][align=center[/url]
يسعد ايامكمـ جميعاً ..
شو اخباركم ..؟! عساكم طيبون ..؟!
بما إني سهرانه ورايقه ..
هاليومين طايحه بـ شاي بالزعفران ..
واظن هو سبب الروقان .. بديت اشك فيه ..
من يومين رحنا ( الجبيل ) وآه ي الجبيل .. 
عشقاً تنامى من سنين الطفوله ..
الجبيل هالمدينه الهاديه .. مسقط رأسي ..
كل اهلي مولودين بالخبر الا انا بالجبيل ..
انولدت فيها وترعرعت  وعشت طفولتي وبداية مراهقتي ..
لين صار عمري 13 سنه (اول متوسط)..
وبعدها نقلنا للخبر .. ومن دون سابق انذار ..
فجأه ابوي نقل ملفاتنا من المدرسه ..وسجلنا بالخبر..
طيب ي ابن الحلال كان قلت لنا ع الاقل نودع صديقاتنا ونتهيئ نفسياً
عاد ذيك الايام كانت نهاية فترة البيجر .. وبداية الجوالات ..
يعني محد عنده جوال الا الهوامير ..
>من سنة الطيبين ..
عشت فتره صعيبه ذيك الايام .
صج عندنا بيت بالخبر وكنا نجي كل ويك اند ..و اهل امي وابوي عايشين بالخبر ..
بس عجزت اتأقلم .. خاصه بالمدرسه واني من غير صديقاتي ..( شلتي)
كنا 12 بنت .. وفجأه اصير لحالي ..
كانو يسموني بالفصل البنت الجديده ..
كنت قاعده ورى بآخر الفصل وصرت كسلانه وحالتي حاله .. من بعد التفوق وشهادات التقدير..
من يومين رحنا لها ( تمشيه )
هذي تقريباً ثالث مره اروح لها من بعد الفراق ..
صج تغيرت وماهي مثل قبل .. احسها صارت كئيبه وموحشه..
بس والله للحين لها بقلبي حنيين ولأيامها الجميله ..
سبحان الله دائماً المدينه التي تنولد وتعيش طفولتك فيها يكون لها معزه خاصه ..
كان ودي أنزل صور اكثر بس مالقيت بالكام إلا هالصوره الخاليه من الناس ..
وسلامتكمـ ..
[/align][/cell][/table1]
|