الموضوع بكل اختصار هو:
ليه الجامعة في كل ترم تغير الجداول وارقام المواد
يعني
ليه المطلوب منا نقلق بخصوص هالارقام اللي عندي هي نفسها المطلوبة مني
والا
يمكن انه غيروا
لان اغلب الاستفسارات تجدها بسبب هذه اللخبطة
وبعدين ليه في ارقام للطلاب والطالبات
اذا عندهم المعلومات عن جنس الطالب
فقط يوحدوا الرقم وكل طالب يروح لاتجاهه
خاصة ان دكتور المادة راح يكون للطرفين فليه التمييز بين الطرفين
ما اجد له اي داعي
واحنا كلنا في النهاية راح ناخذ نفس الشهادة بها نفس المسمى
وبعدين ليه يتم استخدام عدة انظمة
واحد للتسجيل وهو نظام البنر
ونظامين للدراسة
ونظام للاستفسارات
ليه ما يكون كله منصة واحدة
وبعدين لمتى عند نهاية الترم وفي المحاضرات الاخيرة تنقلب الاية وما نقدر ندخل على الموقع ولا يمكن التحميل
طيب اذا اجهزتكم ما تستطيع تحمل الضغط في مواقع متخصصة لهذا الامر تستطيع استضافة سيرفرات الجامعة وجميع برامجها وتسجيلاتها وتتحمل الضغط كذلك (مثل سيرفرات المواقع والمدونات وغيرها)
يعني الموضوع بس رهوا الجيب شوي وراح تقدموا خدمة مثالية
وبعدين مهو عيب انك تقول ما اقدر وابي استعين بغيري
ولا اعتقد أنه في مشكلة بخصوص التكاليف خاصة انه يدخلوا مبالغ كبيرة من الرسوم المدفوعة من الطلبة
المهم اننا نستحق خدمة افضل خاصة اذا كان عندهم توجه أو هدف بأن يقوموا بتطوير عملهم وان يصلوا الى اكبر شريحة ممكنه من الطلبة
هذا والله اعلم
ونسأل الله المغفرة والرضوان
والله المستعان