2013- 8- 21
|
 |
أكـاديـمـي مـشـارك
|
|
|
|
رد: •·.·°¯`·.·• (ღ جرح الثمان سنين ღ ) •·.·°¯`·.·•
مدخل
ياربع ان ضاق بي صدري فمروا بي على الدانه
انا لي واحدٍ فيها... يا ربعي مـا انخلـق زيّــــــه
خفيفة دم... دلوعه... جميلة ...بـس iiشيطانـه
متى ما تشتهي... تجرح.. تسوّي سواتهـا فيّـه
على الموعد بلهفه جيت لا مانع ولا تأخير
لفيت من العصر هايم مع ان الموعد المغرب
وجتني بس انا مدري شعرت الجيّة هذي غير
وهي تقرب من عيوني شعرت ان الممات اقرب
وقلت الله يهوّنها عسى في جيّتك لي خير
انا من شفتك أقبلتي وانا خايف ومستغرب
على كثر الحكي مدري كأنّه خانها التعبير
وقالت لي جمل وأشياء لا تُـكتب ولا تُـعرب
هدَت فجأة تطالعني وأنا في حاجة التفسير
لجل نحكي بهدوء اكثر سألت: الحلوه وش تشرب
فصاحت بي انا احبك ولك في هالحشا تقدير
وتدري ان المثل فينا وفي احساسنا يُضرب
صحيح انك وفي وانك بري من تهمة التقصير
ولكن ذي عوايدهم من ايام وزمن يثرب
تكون البنت لابن العم ورغبات الكبار تصير
وتدري الاقربون اولى .. مع انك للخفوق أقرب
وتدري للقدر كلمة.. لعادات الأهل تأثير
لذا أرجوك تتركني وانا من دنيتك باهرب
شعرت بحكيها كنّه قصاص وامر بالتعزير
شعرت الدنيا ضاقت بي من المشرق إلى المغرب
مشت خلّت وراها طفل ما يدرك وش التدبير
يحسب ان الغرام اشعار شاعر واغنية مطرب
ضحكت وماقدرت اني ألاقي لضحكتي تبرير
من اللي بوقتنا مرّه ضحك من لدغة العقرب
رفضت أستوعب اللي صار ولا استسلمت للتغيير
ثمان سنين اجي نفس المكان بساعة المغرب
برغم ان الثمان سنين جرح وكلّفتني كثير
أنا لليوم أجي وأدعي.. تجي يارب .. تجي يارب
مخرج
ضيق صدر .. وجرح قلب .. ودمع عين ..ونشف ريق
هذا كل اللي جناه .. محمد .. بآخر زمانه
مدري كن الحزن فيني .. شاف له نعم الصديق
مدري يمكن كنت فعلاً .. كفو .. للحزن .. وتكانه
ܓܨ من,ن ܓܨ
|