السلام عليكم ورحمة الله

مساء الخير بهالمساء

ليلة العيد ..

في يوم 28 كنا انا وامي بالمستوصف اللي بالوادي لانه كان فيه فايروس بالجو وصابنا كلنا بلا مو بالطريق
وحنا راجعين دق خالي على امي وخبرها ان عمها توفى .. كان مصاب بالسرطان بالحنجره واخر مره زارته
طلعت من عنده وهي تقول الموت ارحم له المهم ليلة العيد كان اول يوم من ايام العزاء
واحتراما لامي ما طرطعنا ولا هيصنا مثل العادة ولا شيء .. هي راحت للعزاء وحنا جالسين بالسطح نصور
يااااااااااااه منظر خيالي الالعاب الناريه مزينة الوادي بس اللي يقهر اذا لفينا ناحية الشرق نشوف مواكب السيارات رايحه العزاء
واذا لفينا ناحية الشمال والغرب نشوف الالعاب النارية من بيوت ناس كانوا من اقرب الناس لجدي
وعماتي كانوا معنا بالسطح وهاك يالنقد اللاذع عليهم < احسن

كل بيوت اجدادي ما طرطعوا الورعان الصغار الا شيء بسيط لانه المتوفي يصير ولد عم اجدادي من ابوي
في ظاهره تطلع من تحت الارض مثل الدواير الحمراء الصغيرة "شبيهة بالبازوكات" .. اهلنا بالديره يقولون هذي الجن لانها ما تتطلع الا ليلة العيد فقط
وندري بالعيد قبل لا يعلنون بالتلفزيون ولا بالصحف .. والعجيب واللي يخليني اتأكد انها جن فعلًا
اذا صورتها ما توضح ابد وكأنك ما صورت شيء .. اما اذا وضحت لزوم يصير فيك بلا
زوج اختي انتفخت ايده لين مسح الفيديو ورجعت طبيعية .. وبنت عمتي طلعت له حبه غريبه شوهت
وجهها ويوم درى ابوها انها صورت هالظاهرة
حلفها تمسحها .. يومين فقط واختفت الحبه ولا لها اي اثر .. اما انا على كثر ما اصورها ما توضح ولا تطلع معي
يالله خيره .. كنت ماخذه كاميرا اخوي .. يمكن لو وضحت تخرب علي الكام واتوهق

بعد ما هدى الوادي شوي نزلنا نشطب البيت ونطبخ حلويات حق العيد وراحت زوجة عمي وجدتي للعزاء يقومون بالواجب
ومابقى الا انا وخواتي ثنتين وبنات عمي ثنتين صغار .. على اننا بس خمس و3 بيننا يعدون من الورعان
الا اننا اقلعنا بالبيت .. والسبب ماسكه جراده واطاردهم فيها هههههههههههههههه

بس تسنعنا على الاخير وبدينا كرف بالمطبخ وطبخنا ونفخنا وما خلصنا الا بعد صلاة العيد
وانتهى اول يوم عيد بدون لا اتكشخ الا باللبس فقط