|
رد: استفساراتكم عن جميع دكتورات مواد التحضيري للفصل الاول 1434-1435هـ
الماث :
- عندك دكتوره فاطمه الرواجح اعجز اتكلم عنها شيء عجيب ورائعه من ناحية شرح او اسلوب او اسئله
صراحه اتمنى كل الدكتورات مثلها 
- في بعد مريم الدوسري طيوبه كثير وتساعد ججججداا لكن بارده شوي واحس الماث يبيله ناس تحرّكه !
- بعد دكتوره سميه الهاجري صديقاتي تخصص ماث ودرسوا معاها وجدا يمدحونها
+ بالنسبه للفيزياء ابتسام النعيم جميله تساعد وتركز على اشياء مهمه وتقولك انه مهم
وتحدد لك من وين تدرسين بالضبط ! لكن شرحها يبيلك تكونين مروووقققه ومستعده تفتحين مخك لابعد حد
لانها ممله شويه ..
+ نجي للاحياء :
- نوره الكعبي درست معاها حيوان ممم مو سيئه لكن بارده شرحها قرايه مافي شرح
لكن اسئلتها مو صعبه !
+ النبات كان شيخه العبدالكريم اوكي هي حليله لكن نفسيه شويه وتبي هددددددوء قاتل !
اي حركه راح تعطيك محاضره غير محاضرتها الممله الله يهديها .. وعادي فجأه تقولك قومي اقري
+ وفاء التسيان نبات .. انسانه مثاليه سواء اسلوب او اخلاق او تعاون او سعة صدر ؟
شهادتي فيها مجروحه والله مستعده اسلمها كل موادي الله يذكرها بالخير 
+ حنان المهاشير جدا جدا جدا جميله هالانسانه شرح و اسئله وتساعد بشكل كبير
حطوها وانتوا مغمضين .
+ منى المصطفى .. مم مو سيئه لكن تشرح بعممق حبتين ! ودقيقه على اشياء ماتسوى
واحس مب مره متعاونه لكن صراحه تسلك وممكن تمشي لك ، احس حسب مزاجها
لكن مب سيئه عادي يندرّس معها 
+ الصحه واللياقه كنت مع ابتسام الضويان حليله مو سيئه لكن اسئلتهم كانت دقيييقه جدا هالشيء ماحبيته
وكثير غيرهم لكن ماتوقع يعطون احياء عامه .
+ السيد بيومي . درست معاه مادة تخصص وكان مره يتعمق ويدقق ويزوّد اشياء من برا يعني ببساطه
يشرح بذمممممه وضمير جججدااا . لكن والله عادل كثيررر ومايضيع حقك معاه ابد يعطيك على قد تعبك !
مو سيء ابداً عيبه الوحيد انه مايتعاون كثير من ناحية انو من وين تدرسون وعلى ايش تركزون وهكا
وكل الدكاتره كذا اصلا . لكن يتعاون لو تجاوبتوا معاه وطلبتوا مساعده
+ زهره الغامدي درست معها كلاس واحد بس صحه ولياقه
حبيتها كثيرر والله وحبيت شرحها تشرح بأسلوب يحببك بالماده ويخليك تسمعين لها هي
وماعليك من العرض ابداً ماشاء الله عليها . لكن من ناحية التعاون والدرجات وكذا ماعرف صراحه !
نجي للكيمياء :
- فاطمه الزهراني تعبت وانا اتكلم واقول انها سيئه 
اللي يبي يفهم كيمياء ويستوعبه ويجيب درجات سنعه !
لا يفكر يدرس معها صراحه عن تجربه .
و الله يوفقكم
|