ياصاحبي ماهقوتي إنك تخليني كذا
البال متكدر ونفسي صدق ماهي رايقه..



مابه خوي حولي ماغير اهل الأذيه والأذا
وآنا ورب البيت حتى الثوب ماني طايقه...



أجامل الدنيا وانا همي معي مثل الغذا
في لقمتي.. في مشربي.. حتى هواي يظايقه..



مليت من تدبير ذا وتٌعبت من تلفيق ذا
وتُعبت وآنا والزمن من كذبه لُحقايقه...



وتٌعبت من كيف..ومتى..وشلون..ويمكنّه إذا
وتٌعبت من ذنب ٍ يعذبني واجي طرايقه..



وتٌعبت من فرقا الحبيب اللي خذا واستحوذا
وتعبت من دمع ٍ يسريني وأعود رايقه..



وتٌعبت من حنا وماحنا وذا (فيضي) وذا
وتُعبت من ناس ٍ تماشيني وانا أدري بايقه..



وتٌعبت من شوف الشيوخ اللي يخرزون (الحذا)
وتُعبت من حلم ٍ يجي في آخره عوايقه..



وتٌعبت وآنا كل ما أبذل جهد مستنفذا
نتايجه..عد الشهور وعقبها دقايقه ...


وتٌعبت وآنا كل ماغنيت قالولي لٌذا
وتٌعبت .. إيه تٌعبت من جوف ٍ كتم حرايقه..




ياصاحبي والنفس تبدي طيبها على القذا
لكنّ محجر عيني يعيي على موايقه..



يالله ياللي حكمته يعطي وإذا أعطى خذا
تغفر لي ذنوبي يارب ٍ يغفر لخلايقه..


....