زقم نمله

شوفي يا بنت الحلال ..

المقرّر أزين ما فيه إنه ما له إختبار نهائـي , و لا محتوى ..

و لكن له واجبات و مناقشات و محاضرات مباشرة و مسجّـله ,

يعني حاله حال أي مقرّر في الأمور اللي تتعلـّق بالمشاركات الفصلية ..

و التدريب الميداني 3 مطلوب فيه تقريرين ,

1/ تقرير عن حالة ( مريض مستشفى , طالب متعثر دراسيا , طالب مشاغب , شخص ياخذ مساعده من لجنة خيريه ) .

2/ تقرير عن المؤسسة اللي تنتمي لها الحاله ( يشترط تواجد قسم خدمة إجتماعية بالمؤسسة ) .

و التقريرين لازم يكونون مرتبطين مع بعض ,

يعني ما يصير تسوين تقرير المؤسسة لـ مستشفى , و الحاله لـ طالب في مدرسه !!

يا طالب و مدرسه ,

يا مريض و مستشفى ,

يا محتاج و لجنة خيريه ,

أو أي حاله تشوفينها مناسبة لـ التقرير ..

و المطلوب هو عمل زيارة لـ الأخصائي الإجتماعي للمؤسسة و الطلب منه ترشيح حالة لـ كتابة التقرير عنها ,

أو أنتي تختارين الحالة إذا كنتي تعرفين الحالات اللي تهتم فيها المؤسسة ,

و بعد ذلك تعملين زيارة للحاله كل إسبوع أو إسبوعين ( مطلوب من 6 إلى 8 زيارات ) ..

في الكورس الصيفي ما كان فيه مدارس مداومه , و صار أكثر الضغط على المستشفيات و اللجان الخيرية ,

و لكن الحين فيه دوام للمدراس و هـ الشيء يمكن يساعد اللي حاب ياخذ المقرّر ..

هذا بـ إختصار المطلوب في التدريب الميداني 3 ,

بعد كل اللي قريتيه ..

قرّري حسب ظروفج ,

لو راجع الموضوع لي أقولج إخذيها , و لكني مدري عن ظروفج ,

هل تقدرين تروحين للمؤسسة ؟

هل تقدرين تعملين الزيارات للحاله ؟