فوقتني يوم قلته مــــــ’ـــــــن حلا السكره
ضيعتها سكرتي ياسكرة أنظاري
..ياأمس عمري ويا يومي ويابكره..
فراقك اصعب علي من يوم مقباري
اشتاقلك وانت قدامي على فكره
يعني تصّور بغيباتك وش أخباري ..!!
ملامح السعدقبل أعرفك منكّره
واستوضحت يوم شفتك يابعد داري
أبواب قلبي على من جاه منسكره
وأعذاري انك هنا.. يامسمن اعذاري
..ياعين حرٍ نداوي معتلي وكره
ياجملةٍ ماتعب تكرارها القاري..
يزين فيك البحــــــ؛ـــــر والقاف والفكره
لولاك ماشفت حيٍ يطرق أشعاري
جاورت روحي .. وقلبي صرت محتكره
والقلب قلبك وخذ راحتك ياجاري
سلمتك رشا الهوى والدلو والبكره
وانا لك البير وأغــــــــ’ــــــــرف كامل اسراري
وان كانك تسوق لي من الغلا بكره ؟
قد سقت لك من صميم الخافق أبكاري
سويت فيني جميل أعجز على شكره
علمتني ان الليـــــــ؛ـــــــالي متعة الساري
وعلمتني كيف أحـــــــــ’ـــــــب وكيف ماأكره
وان التفائل يلبس حظي العاري
إلابقا شي ياغالي على فكره !
ترى حياتي "بدونــــــــك" مالهاطآري