المشاركة الأصلية كتبت بواسطة mad sama

السلام عليكم

بالنسبه لمواد تحضيري فهي : فيزيا عامه , كيميا عامه , رياضيات عامه , احياء عامه , صحه ولياقه

هذي المواد الأساسيه , واللي تبغى تاخذ من مستويات اعلى براحتها بس بتتعب نفسها
وطبعا لو بغيتي تتخصصصين بماده لازم تنجحين فيها .. تبين تتخصصين احياء لازم تنجحين بأحياء عامه تبين تتخصصين بفيزيا لازم تنجحين بفيزيا عامه وهكذا

بالنسبه لترتيب الجدول فزي ما شفتوا الجداول مرتبه حسب الايام
اول شي تسوينه تحملين الجداول الخمسه
وتختارين لك شعبه تناسبك .. الشعب من 1 الى 20
يفضل والاسهل لكم انكم تمشون على شعبه وحده .. توكم اول ترم وصعب عليكم تحوسون الجدول
شوفوا الشعبه اللي فيها دكتورات افضل واللي اوقاتها مناسبه .. وطبعا بالنسبه للدكتورات بتلقون البنات سائلين عنهم بموضوع الدكتورات .. ما وراكم شي ادخلوا واقروا تعليقات البنات واختاروا الافضل لكم

ونفرض مثلا عجبتك كل الدكتورات تبع شعبه 3 مثلا
تقومين تمسكين ورقه وقلم وتسطرين لك جدول وتفتحين جدول الاحد وتشوفين الشعبه 3 وتسجلين موادها وتفتحين جدول الاثنين وتشوفين شعبه 3 وتسجلين موادها وهكذا للخميس
ولما تخلصين بتشوفين ان جدولك شامل كللل المواد الخمسه حقت تحضيري بدون اي حوسه او تعب
هي الشعب مرتبه كذا
ونفرض مثلا عجبتك كل الدكتورات تبع شعبه 3 إلا وحده سمعتي انها مب زينه وكنتي تبين دكتوره هالماده (نفرض الفيزيا) تبع شعبه 7 مثلا
فإذا كنتي تبين تغيرينها وعندك امكانيه ( يعني عندك مكان فاضي بالجدول) فروحي لشعبه 7 وشوفي إذا كان وقت الفيزيا عندهم مناسب جدولك او لا .. إذا ناسب فحلو وإذا ما ناسب شوفي شعبه ثانيه
وإذا ما ناسبك ولا شي فمالك غير انك ترضين بالامر الواقع وتاخذين دكتوره شعبتك وتوكلي على الله

وطبعا بعد ما تخلصين ترتيب جدولك تفتحين النظام وبتلقين المواد نازله دوريها وحطيها بعربه التسوق وإنتظري يفتح التسجيل لكم وسجليها على طول

اكيد بتلقون موضوع شرح مفصل بالصور عن طريقه وضع المواد بعربه التسوق والتسجيل

بالتوفيق