ملتقى طلاب وطالبات جامعة الملك فيصل,جامعة الدمام - عرض مشاركة واحدة

m4me · 2013- 8- 24

اقتباس:

المشاركة الأصلية كتبت بواسطة saudi girl

الله يحييكم جميعا مس أنجلش وبدو وتوليب ولايهنون الباقين

والله خفت من كلام الجميع عن بحث التخرج

طيب. عندي عدة اساله أتمنى الجواب

اغلبكم وش اختار مسار ترجمة وإلا لغة و إلا ادب

على كلامكم أتفادى الدكتور فواز أو فوزي الله يستر لا يكون كل المسارات تبعها

اللي رسبو بالمادة وش السبب علشان النسخ واللصق بدون ذكر المصدر أو علشان ما سويتو نفسي مايبي بالمسودة أو تأخير منكم

لازم نعرف الأسباب علشان نحاول نتفاداها الله يوفقكم

وياليت تذكرون مواضيع بحوثكم للاستفادة

الله يجز أكم خير

انا عن نفسي استسلمت ولا راح افكر فيه لين تبدأ الدراسه ان شاء الله

وبتابع بإذن الله اول بأول واشوف وش سالفة الدكاتره وطلباتهم :: والله يعين ويعاون

[/quote]

أنا إخترت موضوع عن الترجمة. أخذت المادة بالصيفي فقط وماكان الدكتور فوزي سلسلي موجود. يعني ما أقدر أجاوبك إذا كويس أو لا.

لكن دكتور الهلال بصراحة ماندري وش يبي بالضبط, ولا الظاهر هو يدري وش يبي.
مرة يقول موضوعك حلو إستمر ومرة يقول لو تستمر كذى ماراح تعدي. المهم عديت ولله الحمد.

بالنسبة لأسباب الرسوب, تعددت الأسباب:

تأخير بالتسليم
إقتباسات بدون ذكر المصدر
نسخ ولصق لمواضيع جاهزة من النت
زيادة عدد الصفحات عن المطلوب ( حسب كلام الدكتور يقول: فيه طلبة أرسلوا بحوث من خمسين صفحة والمطلوب فقط خمس صفحات)
مشاكل بالإرسال (الطالب يقول أرسلت والدكتور يقول ماجاني)

وإذا عند الأخوات ولإخوة إضافات أكيد ماراح يقصرون

وبالتوفيق.