قال ابشوفك سكتت شوي,,,قلت اش زينه
موعد معك انت لا يمكن علــي إنكــــــاره
بس لاحظ ان قلبي لو جفوا غاليــــــــــنه
ماجعلهم عرضة النقاده الثرثـــــــــــــاره
قال انا ادري والله يوقف معه ويعينــــــه
قلبك اللي حط اعدائه على انـــــــــــصاره
قال:باكر,,قلت باكر غد ياتانينــــــــنه
كلها ساعات ويبــــــــوح النهار أســراره
المهم اصبحت صبح(ن) ماعرف تكويــــنه
صبح من ندرة عصافيره تصيد احــــــراره
وأتقهوى قهوة اللي مضحكته سنينــــــنه
وأخذ اغراضي معي وأشغل السيـــــــــاره
وأسرح وفي بالي انه في حدى دربيــــنه
ياقبل بيته ببيتين أو علــــــــــــى دواره
وليه ذا واقف معنز جسمــــه بيديـــــــــنه
وقفت اللي ربعه تحبه ولا تختـــــــــــــاره
قلت:ليه انت تتشائم والابن ادم طيــــــــنه
ينتصر لاحط ذكــــــر الــــله علـــى إصراره
قال:انا ماني بمتشائم لكن ياشــــــــنـه
لابتدى عمـــرك لصدماته وموت أزهــــاره
كنت احسب ان الحيه لســــاره أو للينــــه
لين ماتت لينه وفي يـــوم ماتت ســــاره
ظل يبكي وانتهز صدري وجاء من بينـــه
لين حست كــــثر الدمــــــــــع فـك أزراه
عملت في عيـــني أنفاسه ودمــــعة عيــنه
مثل مايعمل بخــــار الشــــــاي في النظاره
كان يوم يعلم الواحــــــد يـــوفي ديـــنـه
الفرح به قاطع(ن)للحــــــزن كرت زيــــاره
الله يذل الوقت الردي ويهـــــــــــــــــنه
كانه يبـــكي كباره من غيـــــاب صـــغاره