|
رد: اكتب عشر حقائق عن نفسك ! ♥ ,
< تعد على اصابع يدها ورجلها كم جاها تنبيه 
مع اني قلت مابي ارد بس عشان تنبيه غالي راح ارد
حقيقةً ما احب اتكلم عن نفسي كثير بس اذا احد سألني انفرط ههههههه
لذلك بذكر كم حقيقة وبفصلها بعشر نقاط 
1/ عصبية جدًا وتوصل عصبيتي للجنون ومؤخرًا صاروا يبعدون عني الادوات الحادة لانه لي ماضي بحذفها اذا عصبت وانتقامية جدًا اذا حقدت .. مع ذلك 10% بالمية انتقم و 90% اتناسى
2/ كثيييييييير كذبت بأسمي وقلت نصرون اسمي الحقيقي وصدقوني هههههههههه ولازلت اقول نصرون اسمي الحقيقي < ناوية تتبرأ من اسمها 
3/ ما اسامح اللي يزعلني وكلمة اسف ماتعني لي شيء الاسف عندي افعال موب مجرد كلام
4/ اكره ما على قلبي الهدوء احب الازعاج والهدوء عندي مزعج جدًا الكتاب ما اركز بقرائته الا اذا انزعجت
5/ اعشق كل شيء قديم اكواخ اماكن قديمة بر الشيبان < ياااااااه هذول متعة اذا جلست معهم 
6/ الطبيعة عندي حاجة ثانية عندي استعداد اعيش في البر سنة كاملة وبدون اي مخلوق معي اهم شيء اسمها طبيعة
7/ احب سوالف الجن واحب اقرأ عنهم واحب اتثقف بعالمهم والحمدلله والفضل له ما اخاف منهم من قرائتي عنهم ومعرفتهم على حقيقتهم 
8/ انثى بالاسم فقط موب عربجية ولا مسترجلة ولله الحمد بس الدفاشة ماخذها مجراها بحياتي .. بيتوتية لابعد درجة لو يقول لي احد وش رايك تطلعين اقول له وش رايك تنامين < النوم عشق .. واكره السوق الا اذا قالوا بنطلع البر والبحر حتى لو اني نايمة افز
9 / اخاف من الكلب واحب الثعابين  وحلمي امسك لي تايقر < ادري تناقض بس الكلب اعوذ بالله شؤوم
10 / ملقوفة واحب اعرف كل شيء ولو احد يقول لي نص سالفة ويسكت يحصل دعواي تقول ماخذ حلال اهلي علي .. اكره اللي يحبني واحب اللي يكرهني اللي يحبني يحتفظ بمشاعرة لنفسه واللي يكرهني بالعكس خل يقول لي لان متعتي اقهرة واكرهه بنفسه
^
اخيرًا وليس اخرًا انسانة سيئة لابعد درجة < بالاطباع موب بالاخلاق
وحقيقةً ما حاولت اغير نفسي لاني كسولة :)
وشكرًا < هاه بشروني كم نفر كرهني
|