2013- 8- 27
|
#250
|
|
أكـاديـمـي فـعّـال
|
رد: هنآ الآستفسآر عن دكآترة اللغة الانجليزيه ..
نظرية الترجمة ماده حلووه وسهلله بس للاسف
مع سلوى الوفائي جداً ممله لو فيه غيرها انصحك تغيرينها ..
الماده تتكلم عن الترجمة وانواعها وترجمة نصوص من عربي
لانجليزي ومن انجليزي لعربي والخ ،،
وعطتنا ذاك الايام ماتيريال مرره ملخبط وحوسه
الزبدة انعفسنا بهالماده بس الحمد لله نجحنا :)
بس الشهادة لله ساعدتنا بالفاينل وحذفت ثلاث ارباع المنهج .
نشأة الرواية ياحظكم بتدرسكم ليلى العقيلي اتعععب
وانا اقول روووعه محاضرتها ممتعة لاقصى حد ،،
الماده بكبرها تجنن وتدخلين جو مع شرحها تبارك الله .
طبعاً الرواية مادة ادبيه بحته راح تدرسون روايتين كل وحده
احلى من الثانية لازم تعرفون البلوت والسبيكرز والكاركتيرز
طبعاً الاسئله راح تكون اما شورت نوت او بارجراف او ايسي،
اذكر بالفاينل جابت لنا شورت نوتس من 35 درجة وايسي كامل
من مقدمة ووسط وخاتمه عليه 25 درجة تتكلمين فيه عن الرواية .
فيه برزنتيشن من 10 درجات تسوونه قروبات دقيقه فيه شوي على
كل شي تحاسب ع الورق والوقفه والطريقه الخ ..
اما اسئلتها جداً سهله ومباشره وتصحيحها حليو وماتدقق واجد .
صحيح هي جديه شوي وماتبتسم بسهوله لكن ماسبق يشفعلها .
اللغويات التطبيقيه مادة حبيتها كثيير الصراحه تتكلم عن اللغه الام وطريقة اكتسابها واللغه الثانية وتأثيرها على الاطفال والبالغين .. الخ هالمادة مواضيعها كثيييره بس مفهومة وفيها تعاريف واجد اذا فهمتيها خلاص اضمن لك النجاح ، طبعاً كل ما اخذتوا موضوع تسوون تطبيق عليه . و كانت تدرسنا اريج البواردي الله يذكرها بالخير من جد استمتعنا معها ، وترى على فكرة المادة تختلف كلياً عن مقدمة اللغويات فرق السماء عن الارض اكييد التطبيقية اسهل ..
موفقه ي رب
 
|
|
التعديل الأخير تم بواسطة سحااآآااب ~ ; 2013- 8- 27 الساعة 01:09 AM
|
|
|
|