|
رد: ربعن تعاونوا ما ذلوا ( تجمع فريق النجوم و النجمات )
اقتباس:
المشاركة الأصلية كتبت بواسطة rehab f
_
أقول فيصل خلك مرَكز معنآ للأني الوكآد بورطك .
يآختي وش 10 مسآء جالسسين أهلي يخططو بكره يعملو حفله باربكيو برى
وحده من الثنتين يآ ما أحضر هون أو مآ أحضر حفلهم :(
|
بما أنك محتاره بين حضور الباربكيو وبين حضور المسابقة
وبما أني مستشار لكل الناس بأشور عليك شور بعد تعليق بسيط وهو :
أنتي تعبتي وأنتي تقرأين الكتاب وأخذ من وقتك كثير
فلو ماحضرتي وخسر فريقك راح تحسين بتأنيب ضمير وبتقولين شكلهم خسرو بسبب عدم حضورك
للرد على الاسئلة المتعلقة بالفصل اللي قريتيه .
أما الباربكيو فممكن أهلك وهم يشوون يحترق الأكل
فلا أنتي اللي أكلتي ولا أنتي اللي شاركتي بالمسابقة .
لكن اذا كان الباربكيو في حوش البيت ترى الأمر سهل
يكون لك كذا عذر تختفين وترجعين .. وين راحت فلانه والله راحت تجيب ملح من المطبخ
وين راحت فلانه والله راحت دورة المياه وين راحت فلانه والله راحت ترد على تلفون البيت وكذا عذر
وأنتي اصلا ماغير جالسه عالكمبيوتر تتابعين المسابقة حتى يجي وقت الأكل .
لكن اذا كان الباربكيو خارج المنزل والله ورطة
كل الاعذار اللي فوق ماراح تقدرين تتقمصينها لأنك بتكونين قدام الكل
واذا معك ايباد وجلستي تتابعين المسابقه بيقولون لك يابنت ارفعي راسك
وش بك ماغير منزلته على هالآيباد الله ياخذ من صنعه .
يعني بيجيك تهزيء .
لكن تبغين شوري اذا لك فترة ماطلعتي مع الاهل باربكيو
فنصيحة روحي الباربكيو وتعشي وغيري جو
يمكن تطلع الطلعه حلوه وانتي مارحتي معهم
وبنفس الوقت مافزتي في المسابقه
فيؤنبك ضميرك إنك سحبتي على اهلك اللي ممكن تفقدين أحدهم يوم من الايام وتقولين ااااخ
ليتني طلعت معه وسعدت بجلسته قبل مايموت .
اممممممممممممم
روحي تعشي معهم ترى والله مافيه زي اللحم والدجاج اذا كان مشوي
الله الله على ريحة الشوي وعلى العجاج
اكيد بيحاربونك مجموعتك
ويقولون لاتتركين المسابقه
ترى بيحاربونك لأن ودهم يروحون معك الباربكيو ولكن مو حاصل لهم
روحي تعشي نصيحه
ويمديك على المسابقات الجايه
|