|
رد: لو الدلع يكتب كـتب بـ إسم [نصرون] ..!
^ على طاري يع والجلطة من الحشرات
تذكرت موقف لاول يوم وصلنا فيه الديره كنا جالسين انا وخواتي بمجلس الحريم
وعطينا اخواني ابراهيم واسامه شلوت للمقلط لانهم كانوا بينامون
المهم خواتي ملتهيات بأجهزتهم وبدون لايحسون كل وحده كبرت مخدتها
وانا مفلله نوم < نايمة بالسيارة 
جالسة اقرأ روايتي وما حسيت الا بصراخ ابراهيم واسامه
شوي الا واحد ورى ظهري والثاني جالس عند رجولي ومتمسك بكراعيني
: خير ان شاء الله
بكل غباء يقولون لي : في دبورين < يعني اثنين دبور
في المقلط قومي اذبحيهم 
من جدكم انا اذبح دبابير < جمع دبور
ابراهيم طالع اولى ثاوني واسامه خامس
وكل واحد طوله ما شاء الله يقولون لي انا البنت الضعيفه اذبح دبور
ما هذا يا شنب
المهم قلعتهم من عندي وقلت لهم انتم الرجَال موب انا
المهم يومها ناموا عند رجولي من الخرعة
بس سبحان الله الدنيا دواره بعد يومين كنا مواصلات انا وخواتي وسمعنا حس جدتي
وعلى طول سوينا فيها نايمات عشان لا تعلم ابوي اننا سهرانات
وشوي الا كل وحده تنادي جدتي بأقوى ما عندها ههههههههههههههههههههه
دخل دبور احمر الغرفة واختي سوت لها فلم هندي
تغطت باللحاف وقامت تصارخ لا لا بعدوا عني وخروا بعدوا عني
وهاك يالضحك هي طبعًا تضحك على نفسها معنا ههههههههههههههههههههههههه
بالاخير بعد الخرعة كلها ذبحته بالعصر انا وامي .. لولا الله ثم مساعدة امي ما تجرأت اذبحه
ياخي امي تخرع كل ما وريتها حشره قالت هذي تقرص وهذي تسوي وهذي وهذي
طيب خففي عني شوي عشان اتجرأ اذبحها .. اخر الايام خربتها ما عاد عندي يمه اذبحي هذي
صرت بنفسي امشي واذبحها  بالاخص الجدجد < صرصور الليل
ياخي صوته مزعج ويدخل البيت ويزعجنا بصوته 
الدبور اللي دخل علينا كان شبه هذا
بس لونه احمر
ابوي يقول هذا اخطر دبور < بالديره طبعًا
مره كنت في بيت خالي وفجأه الحريم يصرخون علي جنبك جنبك
لا اله الا الله وشو اللي جنبي الف واحصل هذا جنبي
مايحتاج اقولكم اني لزقت باخر جدار بالبيت وصرت انا وياه واحد
ليت كل الحشرات جراده < تعشقها 
|