سلام بنات مبروك القبول وحياكم معنا في الجامعه الجميلة
يعطيك العافية لجين على الموضوع والمبادرة الجميلة منك
ربي يوفقك يارب وتلاقين المعدلات الزينه يارب
بنات الجداول هذي موزعه بطريقة الشعب
احنا سنتنا 2011 كانوا يسلمونا جدول وعلينا ندور القاعات بس لما نداوم
سنه 2012 تغير الوضع وسووا لهم مثلكم فتحوا لهم نظام الالي يسجلونهم لكن بشرط التقيد بالشعبة الموحدة لكل المواد
يعني ماعندك شي تختارينه من الدكاترة او ترتيب المواد
بس تقدرين تشوفين يوم الاوف اللي يناسبك
هو راح يكون عندك جداول اربع ايام تدرسين ويوم اوف يتغير من شعبة لاخرى
وبتكون عندك محاضرات يومين مادتين ويومين ثلاث مواد الفرق بوقتها يكون عندك بريك تطلعين 2 الظهر او تكون مافيه بريك ساعتين وتطلعين 12 الظهر يومين
وايام الثلاث محاضرات تطلعين 2 الظهر
ماعليه بتنضغطون اول سنة بس افضل لكم عشان تخلصون مواد التحضيري وتتفرغون للتخصص
وتتعودون على نظام الكلية
وترى الدكاترة فيهم وفيهم يعني لابد انك تجربين كل الانواع عشان تميزين بين الكل وتتاقلمين على اوضاع التدريس بالجامعه
بالنسبة ليوم النشاط
هالساعتين مايكون فيها محاضرات تكون مفتوحه لنشاطات الجامعه ندوات ترفيه توعية ونشرات و اشياء مثل هالزي
وتكون احيانا تنفيد لنشاطات للاقسام يبرزون فيها بعض معلومات او سمات التخصص اللي هم فيه كنشاط ولهم فيه درجات مثل الواجبات
ومي الزامية انك تحضريها زي المدرسة لا
بتكون مقامة في مكان مخصص للانشطة وتتغير وانتي لو حبيتي تحضري او تشاركي
بس بعد ماتتخصصون بتطالبون انكم تعملوا نشاط جماعي بدل البحث وتبرزون ابداعاتكم فيه ولمساتكم وتتقيموا عليه هذا بيكون الزامي تحضريه لانه انتي بتشاركي فيه
هذي الحركة ماكانت موجودة اول بس طبقت من السنه اللي فاتت
بس لا تخافون لا في شي صعب ولا شي
اهم شي ان انتوا جادين في دراستكم وبتعطونها حقها في الاهتمام وبتشوفون كيف بتحبون الدراسة وايام الثانوية ولت واصبحت اطلال لن تعود ولا تقارن بالجامعه اطلاقا
بتكون اكيد الجامعه افضل من نواحي كثيرة راح تتعايشونها بأنفسكم وب أم اعينكم تشهدونها
وترى السنة التحضيرية افضل سنة في الجامعه راح تعيشيونها
موفقات بنات وحياكم
وآسفه على الاطالة
