قلّي تبيني صدق .. ولا وش اخفيت
ترى' الصراحه . . مَاأ تغيّير غَلاتڳك
بقفي ولك وجهي وحتى انت لا اقفيت
حقك علي سترك وهاذي حياتك
ليت الحنايا ماتعرف التناهيت
او ليتني ما اسرفت في حب ذاتك
لو حاجتي عند العرب ماترجيت
لكن تغانمني ! ولملمّ شتآتك ،
وش هو شعورك لو يقولو توفيت
وش هو شعوري لو دريت بوفاتك؟
سيّر علي ما دام لك بالحشا بيت
قبل الغياب يهدّ سور أمنياتك
كنت أحسب إني في عطا قلبي أقديت
وآثر كثر الإسراف بالقلب فاتك
غيرك بغوني بالمحبة وعيّيت
لأنك خذيت الروح ماقلت جاتك
سقت الاماني في رجاك وتمنيت
وعلى القسا والهجر دارت رحاتك
مرضت منك وأحسب إني تشاليت
يا قلبي المجروح قد ذي جزاتك
ممداك تبغي تروح من بعد ما جيت
مستعجل الروحة وتذبح غناتك
ليتك قنوع وليتك تحس ي ليت
اوفر علي من التعب في وصاتك
خطاي قلت اني احبك وسديت
وانا موصي القلب يخفي غلاتك
ادخل عليك من الردى وان ترديت
تذذكر اني صحت والوقت فاتك
ابغيك لكن مقدر اتبعك لا اقفيت
طرد المقفي عيب كلمه وجاتك