أهلا وسهلا بجميع الطالبات المستجدات يآرب تكون سنة خير وتوفيق على الجميع

أي سؤال أو استفسار أنا حاضره والبنات أيضا ماراح يقصرون معكم

حابه أنصحكم كم نصيحه ان شاء الله تفيدكم

1- أولا (أذكار الصباح)، خذي معاكِ الكتيب الصغير حق حصن المسلم وأقريه كل صبح لا تتهاونون في هالنقطه

2- أهم شي أنك تحضرين اجتماع السنه التحضيريه لأنه راح يفيدك كثيير وينبهونك على أشياء ماكنتي عارفتها واذا انتيتي خذي لك فره على الكليه حاولي تعرفين الأقسام والقاعات والمدرجات لأنها شوي تضيع

3- حطي في بالك أن الكليه مجتمع كبير فيه طالبات كثير يعني مو زي المدرسه أعداد البنات قليله وممكن انك تعرفين الكل

4- حطي في بالك أنك رح تشوفين قروبات أو مجموعات بنات بشكل جداً كبير، طبعاً مو شرط القروبات تكون شي موش كويس بالعكس فالجامعه غالباً القروبات تكون الرابطه الأهم فيها هي (العلم)

5- هيئة التدريس (جداً رسميه) وأجنسياتهم مختلفه، وبالمقابل لازم تكونين (رسمية) معاهم، يعني حاولي ما تاخذين وتعطين كثير أو تمزحين بكثرة أو تنكتين أو أي شي لأن غالبيتهم رسميين وما يعطون وجه واجد، يعني مو زي فالمدرسه ننكت ونضحك مع المعلمة ونسولف لها وكذا.

6- رح تشوفين بنات من كل الطبقات المعيشيه موجودين مع بعض

7- لا تخافين أو تجلسين تفكرين أنا ما أعرف أحد بجلس بروحي أو كيف بتعرف ترا مو بس انتي اللي دخلتي الكليه وماتعرفين احد كثيير بنات دخلو وتعرفو بسهوله وخصوصا بالكلاسات غصب تتعرفين على البنات لأن في بحوث وعروض جماعيه فلازم تتعارفون

8- فيه بنات كثير يكونون صديقاتك فجأه تخلص مصلحتهم منك يتركونك ( صديقات مصلحه ) لا تتفاجئين او تنصدمين ترا ياكثرهم

9- لا تبالغين في لبسك أو مكياجك لأن احنا في بيئة دراسيه (ولكل مقام مقال )كل ما كان الشي ناعم كل ماصار أحسن وأرتب

10- آخر نقطه وأهم نقطه (( النظآفه )) أعتقد كبرنا ان نقول الواحد لازم يكون نظيف ويهتم بجسمه لكن شفت بعض من البنات الله يهديهم أبدا مافيه اهتمام بنظافتم .

أتمنى أفدتكم وبالتوفيق يآرب