ملتقى طلاب وطالبات جامعة الملك فيصل,جامعة الدمام - عرض مشاركة واحدة

ASEER ALSHOOG · 2013- 8- 31

اقتباس:

المشاركة الأصلية كتبت بواسطة شيخ الشبآب

ألف مبروك القبول أخوي, وبالتوفيق في دراستك

صراحة ما عندي خلفية عن الباصات .. لكن أتوقع يمديك تلحق عليها -إن شاء الله-

بالنسبة للدكتور شكيل .. مدرس الماث .. يبغالك تركز معاه عشان تفهم صح .. وفيه شي مو زين , ما يحب أحد يسأله .. لكن أنت لا تستحي ,أسأل عن اللي أشكل عليك وما يهمك ..

يالنسبة للدكتور أيان .. مدرس الفيزيكس .. رجل يشرح صح .. وصدقني يدخل المعلومة غصب ..وإختباراته عسل , لكن يبغاله تسليك غير طبيعي .. يعني حتى لو ما فهمت نكتته (وهو راح ينكت دايم) سلك له هههههههههه

..

بالنسبة للدكتور محمد طارق , مدرس الكمستري .. ف شرحه ممتاز , يبغالك تشد بإختباراته , وهو غالبا ما يكون إختباره القصير بنفس طريقة الواجبات اللي يعطيك إياها , لكن الماتيريل يختلف ..

ومدرسين الإنقلش اللي ذكرتهم للأسف ما عندي أي خلفية عنهم ..

بالنهاية أوصيك بالجد والإجتهاد .. عشان تقدر تدخل التخصص اللي أنت تبغاه , وابعد عن ربع السوء , خل للمذاكرة وقت يومي .. بعدها إلعب على كيفك ..

بالنسبة لطلاب التخصص فهم أخوانك , ولا تستحي تسأل عن أي شي أشكل عليك .. وأنا أولهم ..

موفق خير يا بعدي

..

الله يبارك فيك ... يعطيك العافية اخوي (شيخ الشباب ) كفيت ووفيت