|
المسألة ليست ( غزو فكري ) المسألة مدري وش أسميها .
لو الواحد غير شكله بعملية تجميل باقول أثر فيه التلفزيون والمواضيع المقروؤة في النت
لو الواحد لبس سلسال بقول يقلد مشاهير وأثرو في تصرفاته
لو ثم لو ثم لو كلها وجدت لها تبريرات ماعدا شي غريب بدأت الاحظه من فترة قريبة .
والله أحس إني عايش في المريخ .
بعض كلام اللي حولي ادقق فيه وأتنح واجلس مدة حتى استوعبه .
واحد سمعته بإذني اللي بيمصمصها الدود سمعته يقول لواحد على التلفون ( إفكس لي الأوراق ) .
يعني ارسلها بالفاكس .
وواحد سمعته يقول لواحد ( ترى بيني وبين فلان طشت ) .
يعني بينهم تتش .
وواحد يقول لواحد ( ترى الوضع ثري ) .
يعني الوضع فري free .
هذا الغزو اللفظي من وين جا وهل هو غزو أم هو موجود بالفطرة وأنا اللي غزيت الناس بوجودي بينهم
وظني أن أخطائهم حديثة عهد بي والحقيقة قد يكون الخطأ في أذني أنها لم تتعود على هالألفاظ
من زمان ، كوني بعيد عن هؤلاء .
وش السالفه ياناس !!
اكيد انتم مثلي سمعتو اشياء غريبه وتنحتو أو أنا بس ؟؟
|