|
رد: تجمع طلاب وطالبات المستوى الاول
يعافيكم ربي ويخليكم ..
بالنسبة للجداول بتكون جاهزة من الجامعة بإذن الله
اذا طلعتم المستوى الثاني تدخلون بمعمعة تسجيل المقررات
التخصصات الموجودة بالتعليم عن بعد حسب الكليات
ادارة اعمال وتسويق < كلية الدراسات التطبيقية
ولو حولتي انتظام تدرسين سنة اضافية وتختارين بعدها ادارة اعمال ولا نظم معلومات ولا محاسبة ولا ادارة مالية ولا تسويق
علم اجتماع و دراسات < كلية اداب
مايمديك تختارين بعدين الا اذا بتسوين تحويل من تخصص لتخصص
والتخصصات المتوفرة انقلش عربي دراسات علم اجتماع وجغرافيا مدري تاري
ومجرد نصيحة صغيرة
اذا الدكتور قال اشتروا كتاب مهم وضروري مدري ايش
ابدًأ ما راح تحتاجونه نهائيًا واذا تخافون وبتوسوسون ولا شيء
نزلوا الكتب من النت مؤقتًا وبتلاحظون انكم ما بترجعون لها ابد
ممكن تستفيدون من الرياضيات والاحصاء لان فيها تمارين
وبعد كل محاضرة ممكن تحلون التمارين اللي بالكتاب
بس بنفس الوقت تقدرون انتوا تسوون لكم تمارين بدون لا ترجعون للكتاب
وكمان انصحكم ماتشترون الملخصات اللي بالمكتبة < حقت دفعتنا ودفعة اللي قبلنا
الافضل تتابعون مع الدكتور بالسلايدات اللي بينزلها
لانه ممكن يتغير درس وممكن يضيف وممكن يحذف واسألوا طلاب دفعتنا قد ايش انحاسوا من هالشغلة
ارجع اقول نزلوها على الجهاز لو حبيتوا تتابعون مع الدكتور والناقص كملوه والزايد احذفوه
ولا تتسرعون بالطباعة ابدًا لاتتسرعون عشان ما تندمون
والدراسة سهلة لاتشيلون هم .. بس لاتستسهلوهاش 
يعني حطوا في بالكم انها تحتاج تركيز 
< كالعادة هذرة على غير سنع 
|