[ALIGN=CENTER][TABLE1="width:95%;background-color:silver;border:4px solid black;"][CELL="filter:;"][ALIGN=center]
[/ALIGN][/CELL][/TABLE1][/ALIGN][ALIGN=CENTER][TABLE1="width:95%;background-color:silver;border:4px solid black;"][CELL="filter:;"][ALIGN=center]
,
مجنون جزئيًا وباقـي بالعقـل جـزء ٍ قليـل
............... يالشعر يلحسّ مخي يا أنا اللـي مخّـه بلحسّـه .
من الطبيعي الطلاسم تظهـر الواضـح جميـل
............... والشعر ماهو شعر لو ماحال الشاعر متعسّـه .
يقول عني صاحبـي مـرات فهمـي مستحيـل
............... يعني معقد صعب ولازم التحـق فـي مدرسّـه .
والمدرسه أستاذهـا خايـن ولقـبّ بالعميـل
............... يهرب من التاريخ وشرحه لين يأخذه أجرسّـه .
هو يحسب إن الفهم أقرى وأحفظ أكتاب ٍ طويـل
............... مايدري إن أكتابنا خلاصتـه فـي .. فهرسّـه .
درس الحياه أفضل دروس المعرفه لكـل جيـل
............... والتجربه أكبر شهاده مـن علـوم القرطسّـه .
ماني مثقف حيل لكن .. فـوق نسبـة الهبيـل
............... عاطل ولاأعمـل ويعنـي خبرتـي بالهندسّـه .
أعرف بأن الأرض شكل الدائـره بالمستطيـل
............... تشبه لشكل البيض لكن !!. فرخ البيض بيفقسّه .
يعني يجوز بيوم يطلع فرخ لكـن لـه صهيـل
............... والمشكله ماهي بصهيل الفرخ لاباض .. أفرسّه .
وأعرف بـأن الأرض فيهـا جاذبيـه للثقيـل
............... بس المطر كيف يتساقط مابـه شـي ٍ يترسّـه .
وأعرف بأن الحيط لو علقت به صـوره يميـل
............... لازم تحط الحيط ع الصـوره وتحـذر تلمسّـه .
وأعرف بأني شخص قاتل من يسمـى بالقتيـل
............... حتى أنا قـد مـت مقتـول ٍ بريقـه وأنفسّـه .
كثير أحسب كم عدد في راسي أشجـار النخيـل
............... وكل يوم يزداد العدد وسنينـي اللـي تغرسّـه .
تعبت أجمع هاجسي بأمواج من بحـر الخليـل
............... بحر الخليل اللي ورى سور الحنايـا محبسّـه .
أحطني هنا وهنـا وأرجـع ألملمنـي وأشيـل
............... وأنسى بعض مني تناثر فـي دروج الهلوسّـه .
فوضى الشفايف أبدعت في كذبها بحروف قيـل
............... والحوت محد ٍ عاش فـي أعماقـه إلا يونسّـه .
ياكثر مايجهل سـراج ٍ يشتعـل صبـر الفتيـل
............... مثل التجاهل فـي بيـادر ياسميـن لنرجسّـه .
أرض الكنانه نهرها عذب ٍ ويبقى الأسم ( نيل)
............... توت الشراب الحلو سمّم في حلاتـه بيّبرسّـه .
شفت إني واضح ياكريم العرف ولايخدم بخيـل
............... أفتح صناديق الذهانـه وأكـرم اللـي مفلسّـه .
ياصاحبي بقول لـك حاجـه وبعطيـك الدليـل
............... طربوشي اللي فوق راسـي أبمزاجـي البسّـه .
في واقعيتنا ترى كل شي أساسـي ولـه بديـل
............... يعني معي تضرب شرف وإن كان غيري تبوسّه .
لاينرفزك سيف الحقيقه لو طعن صمت الذليـل
............... أنطق بإذنك وأترك السـان المهابـه لأخرسّـه .
مؤمن بأني هايم بـوادي علـى قـول الجليـل
............... فلا أحد يتبعني غاوي لو أجـي فـي مجلسّـه .
لشآعرهآ : جآبر بن هآيف آلعتيبي
لكم 
[/ALIGN][/CELL][/TABLE1][/ALIGN]