Improve the English language !!
بسم الله
( تشمر عن ساعديها ) 
الزبده ادخل دايركتلي بالموضوع لإختصار الوقت
اللي حاب يجيد او يتقن اللغة الانقلش يقرأ موضوعي وكيذا
زي م انتوا عارفين كليتنا العزيزه تعتمد اعتماد شامل ع اللغة الانقلش  
ف فيلو طلاب وطالبات م يتقنوها بشكل بيرفكت ، واكيد يحاولوا يجيدونها ويدوروا حلول وبلشانين  
ف انا ح اشارككم تجاربي 
اللغة الإنجليزية جداً جداً جداً ممتعة بس يبغالها شوي تركيز ع تطبيق ع ممارسه بشكل يومي.
طيب تقولوا لي كيف ؟ 
عندكم كتاب اسمو : THE OXFORD Picture Dictionary 
اتعب واقول عنو بيرفكت وممتاز !
الكتاب بشكل مختصر : يشرح لكم بالصوره ، مثلاً يعطيكم صورة فصل كامل طاولات كراسي..الخ وعليها الأسماء و بعض الأفعال مثلاً ( حل الواجب ، أقرأ ، ..الخ) جداً ممتع ..  
بس ملاحظه مهمة (لازم تاخذوه English/Arabic ) عشان تعرفوا معنى الكلمات.
المهم الكتاب هذا بوقت البريكات بين المحاضرات طلعوه واقعدوا تفلسفوا ع انفسكم شوي   واقروه ح تستفيدوا لو استمريتوا ع كذا.
طيب التجربة الثانية عندكم هالكتب:
http://www.oup-bookworms.com/oxford-bookworms.cfm
اللي يميز هذه الكتب هو عدد الكلمات، بحيث انو كل كتاب يحدد لك فيه عدد الكلمات اللي ح تقرأها، بكذا تستطيع معرفة سرعتك بالقراءة. ( شيء جميل) 
وفيها تحديد للمستويات مثلاً إذا كنت في المستوى الأول في اللغة تقدر تستنتج مستواك و إذا كنت في المستوى الثاني أو الخامس أو السادس ...الخ
اما الشيء المميز الثاني فهي أنو الكلمات الصعبة في الكتاب يكون لها تعريف خاص ( انتروديكشن )  وموجود في الكتاب، وفيلو تمارين وأسئلة متى م حسيت نفسك فهمت روح حل وقضي وقت عليه واذا حليت ح تعرف بالضبط قد ايش اجدت فهم الكتاب وقدرت تلم بالمعلومات اللي فيلو. 
نصيحة1 : اذا مفكرين انو متابعتكم للأفلام ح تساعدكم لوحدها باللغة ! فأنتم غلطانين ججججججداً ! 
اقولكم ليه : لأنو اللغه المستخدمة بالافلام عاميه +سوقيه او لغة شوارع .. ف بكذا انتم بس تتعلموا لغة عاميه م حتستفيدوا منها شيء خلال دراستكم .
نصيحة2 : تابعوا قناة الأخبار CNN عشان تعرفوا الاكسنت تبع اللغة الامريكية.
و تابعوا قناة BBC لإكسنت اللغة البريطانيةة. < أفضل
( اكسنت ) = لهجة.
نصيحة3 : تابعوا بالفيسبوك تويتر منتديات باللغة الانقلش ! يعني اشخاص اجانب + تعرفوا ع ناسات اجانب و تكلموا معهم بالانقلش العامي عشان تتعودوا ع اللغه و ماتسيروا تتأتئون < اتوقع كذا اللفظ ، و لاتنسوا دايماً وابداً تكلموا بالبيت انقلش تفلسفوا ع اهلكم مثلاً ( i want to play ! ) + ( i'm hungry) وهكذا !
حبه حبه وحتتعودوا وتسير لغتكم متطوره ومخارج حروفكم تسير سلسة و حتنفك عقدة البطء وتسيروا سريعين جداً بالكلام !
اكرر لازم تتكلموا كل يوم انقلش ولازم تتعرفوا ع كلمات مهمه بيومكم يعني الكلمات العربيه اللي تقولوها لازم تعرفوا معناها بالانقلش وتقرأون روايات او قصص او كتب بالانقلش حتى لو م فهمتوا بس اهم شيء تقرون كثثثثثثير و تكتبون الكلمات الطويلة وتحفظوها لاتضغطوا ع انفسكم عشان م تملوا وبكذا م راح تستفيدون اهم شيء المتعه بالفهم والتعلم و اخيراً (زودتها ) تكلموا دايماً كل يوم لو مع انفسكم عادي ترى
و اخيراً ان شاء الله استفدتوا من هرجي الكثير  
واسفه طولت عليكم بس حبيت افيدكم ببعض الاشياء اللي عندي !
اتمنى اشوفكم فلاسفة باللغة  
Thanks ..
التعديل الأخير تم بواسطة BlueGirl ❤ ; 2013- 9- 2 الساعة 01:24 AM
|