المشاركة الأصلية كتبت بواسطة helium 6/نادي ديم للتريب والتطوع / يهتم باكتشاف الموهبات بالجامعة وكلياتها المختلفة وصقل مهارتهن وتطويرها عن طريق تغذيتهن بالاسس والمهارات الاساسيه للارتقاء بمستوى الفكر والابداع والابتكار 7/ نادي رائدات الإبداع / يسعى إلى نشر ثقافة التدريب والعمل التطوعي بالتعاون مع الهيئات الحكوميه والقطاع الخاص لدعم الدراسه النظرية بالخبرة العملية لإعداد الطالبات لسوق العمل من خلال المشاركه المجتمعيه .. خاصه في يوم المهنه الجامعي وايضا مساعدة الطالبات الموهبات وتدريبهن

اعكسي بينهم يعني 6 بيكون نادي رائدات الإبداع و7 نادي ديم

وبالنسبة للأندية كل وحدة وميولها وقدرتها وعادي اللي حابة تسجل في أكثر من نادي او ممكن تسجل في نادي وتدخل تطوع في نادي ثاني

بالنسبة لي كنت جدا خجولة وماكان عندي أحد من صديقاتي مستعد يسجل معاي عشان كذا ماسجلت وطبعا هذا خطأ المفروض تحديت خجلي وسجلت
وغير كذا الأندية تعتبر جديدة من سنتين تقريبا سمعنا عنها ولا قبل يا الله انا نسمع بنشاط

لين ما وحدة من صديقاتي جزاها الله خير قالت لي انها سجلت في المجلس الطلابي ودلتني على المكان وكان فعلا أكثر شي يصلح لي

تشجعت ورحت عند المسؤلات وسجلت والحمد لله تم ترشيحي وكانت تجربتي معاهم رائعة
والبنات يشتغلون بروح الفريق والمسؤولات نفس الشي كأنهم أخوات لنا

حتى لو في تعب يصير حلو لأن الإخلاص وحب العطاء موجود وهذا اللي واضح على البنات

طبعا المجلس ماهو من ضمن الأندية هو فوقهم ومتصل بالوكالة على طول وطريقة التسجيل فيه
على وقتي كان المجلس في بداياته وكانت اللي تبي تروح تسجل تعبي اوراق بشرط معدلها أعلى 2 وما أدري ايش بعد نسيت

وعلى آخر الترم غيروا النظام ورفعوا المعدل ل 3 وحطوا شروط زيادة
وصاروا يطلبون توصية من دكتورة درستك ويسوون مقابلة شخصية على أساس هالأشياء تترشح البنت لأنهم يبون البنات يكونون جادات

فإذا ماغيروا نظامهم على الترم الثاني نهايته يفتحون باب التسجيل والترشيح للسنة الجاية

وبالتوفيق يا رب