المشاركة الأصلية كتبت بواسطة أحزآن أنثى

أقول صآحبتي لاتدخلها بالحوار
لاتجمع مو الكل ينزه الفريدان

بس ع الاقل يرد ع الكثير صح أو لا غير النجار

اللي نادر مايرد أو يكتب شي بتويتر ..

إذا على المكافأت مو عاجتك هذي تحفز الكل أنه يجتهد

ولكل مجتهد نصيب .. لو عندك طفل وقلت له ي بابا إذا كتبت الواجب

كامل وبخط حلو ومرتب راح أعطيك هدية صح أو لا ؟؟؟ ذي مثلها بالضبط

بس بفوارق فهمت ولا

الصيفي أنآ ماأضحك لآ عليك ولا على نفسي

بالبداية قالوا أنه بس للي قريب يتخرجون وشافو أنه فيه أمكانية

لأعداد محدودة قام الكل يسجل وأنا من ضمنهم ..

6 ساعات صيفي تغنيك عن 6 مواد بترم بالسنة الجديدة تعتبر فرصه

أوك ما اقول أنه تعب إلين الاحساء ومشوار و...الخ بس لو تسأل

الاغلبيه منهم راح يعيد التجربة ومنهم لآ ..

والجامعه لمن قالت بالاحساء الكل التزم وقالت احتمال الصيفي

الجاي يفتحوا بمناطق ثانية فلآتسبق الاحداث وطبعا كل شخص له وجهة نظر

أما الـ 50 سؤال ..

أنا معك فيها انها مضرة بس هم انها إيجابية لنا

البعض نزل معدله والبعض ارتفع ... من الممكن الاسئله صعبة

ومن الممكن انه الطالب نفسه مهمل أو مايركز ..

فمن الطبيعي بينزل معدل اذا جاء الطالب ليلة الاختبار يبي

يذاكر 14 محاضرة وينه من بداية الترم معه 3 شهور ..


اما 20 سؤال لـ اسئلة المراجعه أحسن من لآشي

انا شخصيا استفدت منها ..والبعض استفاد تراها تفيد ماتضر

اذا مش لنا للمستويات الجاية .. أنت لك وجهة نظر أحترمها وعلى عيني وراسي

بس مايمنع أنه بعد الطلاب لهم أراء انت تشوف كل هذا انه الجامعه ماسوت أي حاجة


طيب شنو اللي تبيه بالجامعه عشان تتغير الجامعه بنظرك

انا ماأدافع أنا أقول الحق واللي اشوفه أنت مو عاجبك شي

المشاركات خصم منها لأنه فيه ناس يدها تتعبها إذا قعدت تكتب

فتروح لبرنامج وتنسخ وتلصق ولآ شي هامها .. فأنا أقول يستاهلون انه خصم منهم

مافي جامعه بالعالم كله انها جامعه ماشيه 100%

كل جامعه فيها مشاكل بالانظمة والتسجيل وغيرها ..

اما عن تحميل المحاضرات وأيقونة انا معك فيها نطالب فيها

نفتح موضوع بالقسم العام والكل يراسلهم وان شاء الله يفتحون

أتمنى تغيرت نظرتك لأنه مافيه شي كامل لا جامعات ولا غيرها ..

وزي ماقلت لك با الاول والاخير وجهات نظر