رعاك الله ياسكة حبايب
خذتنا من الثرا لين السحايب

حبايب كننا قبل انتواجه
وحنا قبل لقيانا غرايب

نظرني بعينه الخجلا وسلم
سلام الي من العذال هايب

وعيني سلمت والخلق لاهي
سلام الي من الاشواق ذايب

واشرلي بطرف عينه وقصده
مكانً عنه خلق الله غايب

وتلاقينا بضحكه وابتسامه
نسينا الهم وكبار المصايب

ولاكن ضحكة الوقت محدوده
وجرح الحب مااحدً منه طايب

حداه الي حداني رغم عنه
وشب النار واشعل بي لهايب

فلا والله نساني ولا نسيته
ولو ظن العذول الظن خايب

يسلم دايمً وارسل سلامي
مع الاشواق ترسل بالهبايب


باسل العيادة