|
رد: نداء لكل من دخل دورة لغة الاشارة
اهلين جوري
دراستنا ياعسل نتعلم فيها اشياء اساسيه وطق تواصل معهم
فيه ٣ طرق للتواصل مع الصم اللي هي "لغه الاشاره " لغه الشفاه " والكتابه "
طبعا ماراح تستفيدين من لغه الاشاره لازم يكون فيه تواصل
انا عندي القاموس الاشاري جزئين مره حلو ومفيد تتعلمين كيف تتواصلين ومع الممارسه تصير شي عادي تتكلمين وتاشرين بنفس الوقت
هذي المهاره تكتسبينها مع الايام
فيه شي حابه انبه الجميع عليه اذا كنتي في مكان وفيه اصم حاولو قد ماتقدرون ما تتكلمون وتتجاهلونه لانه يتضايق ويحس انه غير مرغوب فيه لازم تحاولون انكم تشرحون له وش تتكلمون عنه وتشاركونه في الموضوع بهذي الطريقه يتفاعل معكم وتبدون انتو تستفيدون من اشاراته وتتعلمونها
طولت عليكم بس انا تعودت عليها لان اخواني اثنين من فئه الصم ومجال عملي مع الصم فهذا من باب الخبره 
|