|
رد: بنات ساعدوني مو قادرة اتقبل تخصصي مو حابته ..
السلام عليكم ..
انا تقريبا مريت بنفس مشكلتك
انا كنت تحضيري وجت فترة تعبت وطول الوقت اصيح لاني ماتقبلت الجامعة وخلاص بطلع وماراح اكمل
وانا كنت ابي انجليزي فجاة كرهته حسيت اني مو مرتاحة خلاص مااقدر اقعد بهالكلية اكثر !
حسيت نفسي ضايعة حسيت اني قاعدة اغصب نفسي ع الانجليزي وانا مو مرتاحة ! ولا ابي اي تخصص ثاني
قررت احول للتربية وحسمت الامر من بداية الترم الثاني
شاورت ناس كثير..استخرت مليون مرة..قربت مني ربي..استغفرت كثير..القرآن دايم بشنطتي اي وقت اكون فاضية اقعد اقرا
وحيانا اذا كان ماكان عندي وقت فراغ هذاك اليوم منت اقرا وجهين بس
اللي ابي اقول لك ..
الراحة النفسية اهم شي .. استخيري وادا ارتحتي على التحويل حولي ايش تنتطرين ! الراحة النفسية تنغكس على كل شي في حياتك
اما اذا لا والله فيه امل تحبين التخصص وتمشي فيه ، لاتضيعين على نفسك سمسترات وسنوات يمكن
الشغلة الثانية .. الكلام السلبي شيليه من راسك لاتسمعين لاي احد ، ترا انا الحين اغلب اهلي ضدي بفرة اني حولت وتركت الانجليزي .. بس الانسان اعلم بنفسه اعلم باللي يحب ويكره اعلم باللي يقدر يتحلمه او لا
كلام الناس اتركيه على جنب طلعينه من راسك ، لاتحطمين نفسك لو ربي ماكتب لك تحويل
خلي دايم جوا نفسك """""اي شي يصير لي خيرة"""
يعني ربي هو اللي خالقك اكيد اعلم بكل اللي قاعد يصير واللي بيصير
نصيحتي اكثري من الاستغفار وبتنفرج صدقني .. القرآن يابنات القرآن بركة بس احنا مو حاسين
انا اول كنت اسمع المشايخ يقولون القرآن يوسع الصدر وفيه بركة بس ماكنت مستوعبة كلامهم الا يوم مريت بتجربة قاسية زي كذا !
صرت اذا ماقريت باليوم قرآن اتضايق مرة
فانتي احرصي على فروضك في اوقاتها ،، صلاة الفجر والوتر بعد العشا صليها .. استغفري كثير ،، والتمسي اوقات اجابة الدعاء ترا بين الاذان والاقامة الدعاء مستجاب ،، تصدقي لو بريال او ريالين عطي هالريالات عمال النطافة اللي بالمجمعات او الشوراع
صدقيني بنشرح صدرك وربي بيهديك للشي اللي ودك فيه 
موفقة 
|