[ALIGN=center]
تِصَدِّق وإلا مآ تِصَدِّق .. أنا عَاجِزْ عَنْ آلتفكير
تعَالْ وشُوفْ في عينِكْ غِيآبكْ وشْ عَمَلْ فيني
حبيبي ما بُقى عِندي صَبرْ .. يتْحَمَّـلْ التأخير
رَحَلتْ.. وعِقبكْ الدنيآ غلاها طاح مِنْ عيني
أجَاوبْ اللِّي يسْألني عَنْ أخْبَآري وأقولْ بخير
وأنا لا خِير بغيآبكْ .. ولا حَاجَه .. تهنيني
على طاريكْ كِلْ لحظه ...ولا أحتاج للتذكير
حَريصْ " القلب "ما ينسَى عيونِكْ , لا توصيني
مَحَدْ يِقْدَر يعَوِّضْنِي لأنِّكْ ..في عيُوني غير
ومَهْمَا شِفتْ أنآ الفرحَه .. بدونِكْ ما تسليني
أنا خِنتِكْ ..وهالغلطه حبيبـي ما لَهَآ تبرير
علاقة حُبْ مَجْنُونَه.. ما بينْ أحزآني وبيني
وكيف الحَالْ وشلوني. . جَوآبٍ ما يَبي تفسير
بدونِكْ إنتْ , ما تِضْحَكْ حَيآتي وترْمِشْ سنيني
مِثلْ شَاعِرْ عِجَزْ يوصَفْ شعُوره وخانه التعبير
أنا ضايع .. ولا أدري مِنْ فرآقِكْ .. أنا ويني
مِثلْ طيرٍ كِسَرْ بُعْدِكْ جَناحَه وما قِدَرتْ آطير
أحَاولْ أبْتِسِمْ وأنْسَى ولكنْ وشْ ينسيني..؟!
أشُوفِكْ في صبآحي إنتْ مَعْنَى يا صباح الخير
وأشُوفِكْ في مَسَائي حِلْم وردي .. لا تصحيني
تِصَدِّق .. السَهَر يَرْسِمْ عيُوني ويتْقِنْ التصوير
ويشِقْ النُور في صفحة حيآتي ..وما ألاقيني
أنامْ شلونْ ؟ومشكلتي عِجزتْ ألقى لَهَا تدبير
طِلَبتْ النُومْ .. لحظآته و عيَّى النُوم , يعطيني
تغيَّر وجْهَي .. مِنْ أوَّل غيابكْ وإبْتِدَى التأثير
حبيبي .. مِنْ التَّعَبْ كآفي خذيتْ اللِّي يكفيني
يا أغلى مِنْ رَحَل عنِّي يا كِلْ الحُبْ والتقدير
تعَالْ: إنْ كان لِي عِندِكْ مَعَزَّه وكآن تغليني
تعَالْ:إنْ كِنتْ تعشقني وإذا فِعلاً تبي لي خير
تعَالْ: ومِدْ لِي .. كَفْ الوَصِلْ .. وآمِدْ كَفيني
إذا كانْ الجِفآ واجِبْ بدى مِنْ قلبي آلتقصير
أبيكْ الحِينْ .. تِرجَعْ لِي ولا تِرجَعْ تخليني
أنا ما أقولْ اللِّي صَآر فِيني , ما هقيته يصير
لأنِّي كِنتْ .. ( متأكد ) .. بأنْ البُعد ينهيني
[/ALIGN]