|
رد: إنطباع المستجدين ع الكلية
اقتباس:
المشاركة الأصلية كتبت بواسطة حـلا !
فرع المدينة من سيء لأسوأ !
بعد ما اخدت جدولي الخميس جيت اليوم ع الساعه 8 دخلت ولقيت البنات في مكانهم محد طلع الكلاسات سألتهم ايش الهرجه قالوا إنو الإداره يقولوا راح يغيرو الجداول ! مدري متى لحقو ينزلوها عشان يغيروها ! وعلى الساعه 9 نزلو الجداول الجديده وطبعا طول دا الوقت واحنا واقفين البنات كثير والاستقبال تحت صغير ! وبعد ماطلعنا كلاساتنا جلسنا ساعه ونص نستنى أحد يعطينا وجه ولما طفح الكيل رحنا سألنا قالوا خلاص مافي شي إرجعو بيتكم ! طيب ليه ماقلتو من البداية إنو مافي كلاسات !
والسكرابات ماجابو سيرتها ورحت سألتها قالت نعطيكم هيا ع الأسبوع الجاي (متأخرين في كلل شي)
قلتلها طيب أيش لونو عشان بفصل قالت مدري يمكن أخضر !
انا بجلس ف بيتي شهر وبعد شهر بداوم لأنو واضح إنو فرع المدينه ماشاءالله يبغى يمددلنا الإجازه شويا : )
|
ليييش بالعكس والله أنا شفتها حلوهـ
هم قالو الجداول الموجودهـ جداول الترم الي فات بس مدري أصلا المفروض نحن ما ندرس على طول لازم أول شيء ناخذ انطباع ع الكليه بعدين نبدا الدراسه
صحيح كان الاستقبال صغير وحرر بس ما اتوقع يكون كذا بعد كم يوم نحنا اليوم ما كنا نعرف كلاساتنا بس الحين مرره سهل من الباب عالمصعد وأروح كلاسي وعادي أكمل يومي
أنا ما أدري انتو ليش معقدينها ترى كل ما تكلمتو كذا تكرهو الكليه أكثر وأكثر بعدين ما بتقدرو تذاكرو كويس
كونو ايجابيين 
بس أنا واجهتني مشكله وحدهـ .. البنات قاعدين على الدرج مافي مكان تمري والممرات شوي زحمه بس معليش كله مع الأيام يتغير
|