ملتقى طلاب وطالبات جامعة الملك فيصل,جامعة الدمام - عرض مشاركة واحدة

وطنيـ wtneat ـات · 2013- 9- 11

اقتباس:

المشاركة الأصلية كتبت بواسطة doo3a_al3bbad

وطنيات ..
المساله سهله گثيير بس يبيلها تركيز شوي ..
نبلش اول شي بالمثال اللي هو حاله ..
قال انو رمى قطعة النقود (( مرتين )) حلو ..
ويبي الفضاء العيني اللي نرمزله بـs (( يعني الاحتمالات اللي منگن تطلع لنا يوم نرميها مرتين ))

فيه نقطه تسهل عليگ اذا قالگ انو رمى قطعة نقود n من المرات عدد العناصر اللي في الفضاء العيني تبين تعرفينه تسوين (2^n)
يعني الحين رمى النقود مرتين عدد عناصر الفضاء العيني يصير 2^2 = 4 << يعني لازم يصير الفضاء العيني 4 عناصر ،.
S= {(h,t)(h,h)(t,t)(t,h)}
^
گم زوج مرتب 4
ملاحظه h هي الصوره و t هي الكتابه اللي بقطعة النقود ..

الحين نجي للنرد او الزهره ..
اذا قالگ انو رمى حجر الزهره مرتين واوجدي الفضاء العيني لها
اول شي نعرف كم عدد العناصر في الفضاء العيني بهذا القانون ( 6^n)
وهنا 6 ^ 2 = 36 عنصر
وتبلشين تكتبينهم ..

الحين التمرين دامج نقود وزهره (( نرد ))
عدد عناصر الفضاء العيني 2x6 = 12 عنصر
ولو تلتحظين يوم حليت الفضاء العيني طلع عدد عناصره 12 يعني حلگ صح

اوككيه
تراي شاكه انك بصمة وطن

ياشيخه رووووووووحي الله ينصر دينك

وشكك في محله ياعين ابوك وعيني