ملتقى طلاب وطالبات جامعة الملك فيصل,جامعة الدمام - عرض مشاركة واحدة - قسم رياضيات تجمع طالبات قسم الرياضيات لجميع المستويات هنا

ريحآنه · 2013- 9- 13

اقتباس:

المشاركة الأصلية كتبت بواسطة H,M,A

السلام عليكم

افيدوني في الكتب
اي افضل اشتريها جديد او مستعمله

والمواد مرتبطة بــ مواد المستويات السابقة
وووووو...
نصائحكم للطالبات الجدد في التخصص

ربي يعافيكم مقدما

وعليكم السلام و رحمة الله و بركاته

بتكلم لك عن التخصص نفسه
الكتب مايحتاج أبد تشترين جديد ، شوفي إذا البنات عندهم و خلصوا من الماده خذي منهم بس أهم شي يكون الكتاب اللي طالبته الدكتوره

وَ بالنسبة إرتباط المواد بالمستويات اللي بعدها إي كثيير مرتبطه
و لو لاسمح الله حملتي ماده يمكن توقف عنك مادتين السمستر اللي بعدها و بكذا تتأخرين عن التخرج
نصيحتي لك ذاكري أول بأول لاتراكمين عليك المحاضرات أبد أبد أبد لأن كل محاضره ترتبط باللي قبلها و لو ماإنتبهتي من البدايه رحتي فيها

و ركزي مع الدكتوره وهي تشرح بلاش سرحان

وَ إسألي إذا صعب عليك شي لاتستحين أو إسألي المعيدات مابيقصرون معاك بإذن الله معيداتنا حبيبات

لاتفكرين أبد تسحبييين على محاضراتك لأنك بالنهايه إنتِ اللي بتاكلينها ، و احرصي انك انتِ تكتبين محاضراتك بنفسك و دااايم خلي معاك قلم رصاص عشان الهوامش لأن ممكن الدكتوره تقول معلومه عابره إكتبيهااا يجيبون منها دايم و إذا قالت سؤال جبته في إختبارات فاتت إكتبيييه و ذاكريه يجيبون بعد إذا مو نفسه بتكون فكره مُشابهه

شاركي في النشاطات اللي يسوونها مثل النادي العلمي ، ترا هالدرجه أو الدرجتين ترفع من تقدير لتقدير و من f لـ d

الواجباااات إحرصي عليهاا لاتهملينها ترا عليها درجات

شوفي البنات اللي خلصوا المواد إذا عندهم أسئلة إختبارات و ورش خذيها منهم يجيبون منهم

بيني للدكتوره إنك مهتمه وَ شاركي معاها
التخصص جددداً ممتع إذا كنتِ حريصه من البدايه ، المواد فيها السهل و الصعب بس لاتستسلمين للصعب و لا تهملين السهل

و بداية كلل شي إسألي الله التوفيق و الإعانه بدراستك

و دوتس ورده